ရူဘင် အမော်ရင် ကတော့ စီးရီးအေ ကလပ် အေစီမီလန်ရဲ့ နည်းပြသစ် အဖြစ် တာဝန်ယူဖို့ အီတလီမြေကို ရောက်ရှိနေခဲ့ပြီ ဖြစ်ပါတယ်။ ဒီအချိန်မှာ ရုဘင် အမော်ရင်က အသင်းကြီး တစ်သင်းကို ကိုင်တွယ်ရမယ့် စိန်ခေါ်မှုတွေဟာ မန်ချက်စတာယူနိုက်တက်မှာ ကြုံခဲ့ရတာထက် ပိုပြီးကြီးမားတယ်လို့ ဝန်ခံလိုက်ပါတယ်။
အသက် ၄၁ နှစ်အရွယ် ပေါ်တူဂီ နည်းပြ အမော်ရင်ဟာ ပြီးခဲ့တဲ့ ဇွန်လကမှ မက်ဆီမီလီယာနို အယ်လီဂရီရဲ့ နေရာမှာ အစားထိုးဖို့ စီးရီးအေ ကလပ်ရဲ့ နည်းပြသစ် အဖြစ် ခန့်အပ်ခံခဲ့ရတာပါ။ သူဟာ ပြီးခဲ့တဲ့ ရာသီက ယူနိုက်တက်မှာ ကွင်းတွင်းကွင်းပြင် ပြဿနာပေါင်းစုံနဲ့ ရုန်းကန်ခဲ့ရပြီး ၆ လအကြာမှာပဲ ရာထူး ကနေ ထုတ်ပယ်ခံခဲ့ရသူ ဖြစ်ပါတယ်။ အမော်ရင်ဟာ မန်ချက်စတာယူနိုက်တက်ကို ပြိုင်ပွဲစုံ ၆၃ ပွဲ ကိုင်တွယ်ခဲ့ရာမှာ ၂၄ ပွဲ နိုင်၊ ၁၈ ပွဲ သရေ၊ ၂၁ ပွဲ ရှုံး နိမ့်ခဲ့ပါတယ်။ အထူးသဖြင့် ပရီးမီးယားလိဂ် ၄၇ ပွဲမှာ ၁၅ ပွဲသာ အနိုင်ရခဲ့လို့ နိုင်ပွဲရာခိုင်နှုန်း ၃၂ ရာခိုင်နှုန်းပဲ ရှိခဲ့ပြီး ဒါဟာ ယူနိုက်တက် သမိုင်းတစ်လျှောက် ပရီးမီးယားလိဂ်မှာ အဆိုးရွားဆုံး စွမ်းဆောင်ရည်ပြခဲ့တဲ့ နည်းပြ မှတ်တမ်း ဖြစ်ခဲ့ပါတယ်။ ဒါ့အပြင် ယူနိုက်တက် အသင်း သမိုင်းတစ်လျှောက် အဆိုးရွားဆုံး ဖြစ်ခဲ့တဲ့ ၂၀၂၄-၂၅ ရာသီရဲ့ နောက်ဆုံး ၆ လပိုင်းကို ကိုင်တွယ်ခဲ့ပြီး အဆင့် ၁၅၊ ရမှတ် ၄၂ မှတ်၊ သွင်းဂိုး ၄၄ ဂိုးနဲ့ ရာသီသိမ်းစေခဲ့သူလည်း ဖြစ်ပါတယ်။
ဒါပေမယ့် အခု သူရောက်ရှိလာတဲ့ အေစီမီလန် အသင်း ဟာလည်း ၂၀၂၅-၂၆ ရာသီ အပါအဝင် ၂ ရာသီ ဆက်တိုက် စီးရီးအေ ထိပ်ဆုံး ၄ သင်း စာရင်း ကနေ လွဲချော်ခဲ့လို့ ချန်ပီယံလိဂ် ဝင်ခွင့် ဆုံးရှုံးထားရတဲ့ အခြေအနေ ဖြစ်နေပါတယ်။ အမော်ရင် ကတော့ လာမယ့် ရာသီမှာ မီလန် အသင်းကို ဆုဖလားတွေ စိန်ခေါ်နိုင်ဖို့ ရည်မှန်းချက် အပြည့်နဲ့ တနင်္လာနေ့ကပဲ အီတလီကို ဆိုက်ရောက်လာခဲ့တာပါ။
လေဆိပ် အရောက် သတင်းထောက်တွေနဲ့ အင်တာဗျူး မှာတော့ အမော်ရင်က “မီလန် နည်းပြ ဖြစ်လာရတဲ့ အတွက် တကယ်ပဲ ဂုဏ်ယူ ဝမ်းမြောက်မိပါတယ်။ ဒါဟာ တကယ့်ကို စိန်ခေါ်မှု အကြီးကြီးပါပဲ။ ပြီးခဲ့တဲ့ ယူနိုက်တက် အတွေ့အကြုံ အပြီးမှာ ကျွန်တော့်ကိုယ် ကျွန်တော် နောက်တစ်ခါကျရင် ဒီထက်သေးငယ်တဲ့ စိန်ခေါ်မှုကိုပဲ ရွေးတော့မယ်လို့ ကတိပေးခဲ့တာ။ ဒါပေမယ့် အခုတော့ ဒီကို ရောက်နေပြီ ဖြစ်သလို ဒါက အရင်ထက်တောင် ပိုကြီးမားတဲ့ စိန်ခေါ်မှု ဖြစ်နေပြန်ပါပြီ။ ဘာပဲဖြစ်ဖြစ် ကျွန်တော် အရမ်းဂုဏ်ယူပါတယ်။ ကစားသမားတွေ၊ အဖွဲ့သားတွေနဲ့ အမြန်ဆုံး အလုပ်တွဲလုပ်ချင်နေပါပြီ။ မီလန်ကို ဖလားရအောင် လုပ်မှာလား ဆိုရင်တော့ သေချာတာပေါ့။ အေစီမီလန်လို အသင်းရဲ့ နည်းပြ ဖြစ်ချင်ရင် အဲဒီရည်မှန်းချက် အတွက်ပဲ ကစားရမှာပါ။” လို့ ဖွင့်ဟသွားခဲ့ပါတယ်။
အေစီမီလန် အသင်းဟာ ပြီးခဲ့တဲ့ရာသီ စီးရီးအေ အဖွင့်ပွဲမှာ ခရီမိုနိစ်ကို ရှုံးနိမ့်ခဲ့ပြီး နောက်ပိုင်း ၂၄ ပွဲဆက် ရှုံးပွဲ မရှိ မှတ်တမ်းနဲ့ ရာသီဝက်အထိ ချန်ပီယံလိဂ် ဝင်ခွင့် အတွက် အခြေအနေ အလွန်ကောင်းခဲ့တာပါ။ ဒါပေမယ့် ရာသီကုန်ခါနီး နောက်ဆုံး ၁၃ ပွဲမှာ ၅ ပွဲသာ နိုင်ပြီး ၁ ပွဲသရေ၊ ၇ ပွဲအထိ ရှုံးနိမ့်ခဲ့လို့ ဆက်စ် ဖာဘရီဂတ်စ်ရဲ့ ကိုမို အသင်းရဲ့ နောက် ၁ မှတ် အကွာ အဆင့် ၅ နဲ့ပဲ ကျေနပ်ခဲ့ရပါတယ်။
လက်ရှိမှာတော့ မီလန်ဟာ လာမယ့် ရာသီမှာ အပြောင်းအလဲလုပ်ဖို့ အတွက် ပီအက်စ်ဂျီ တိုက်စစ်မှူး ဂွန်ကာလို ရာမို့စ်ကို ကလပ် စံချိန်တင် ပြောင်းရွှေ့ကြေး ယူရို သန်း ၈၀ နဲ့ ၅ နှစ်စာချုပ် ချုပ်ဆိုထားပြီး ဖြစ်ပါတယ်။ ရာမို့စ်ဟာ ပီအက်စ်ဂျီ အတွက် ပြိုင်ပွဲစုံ ၁၃၁ ပွဲမှာ ၄၅ ဂိုး သွင်းယူပေးခဲ့သူပါ။
ဒီနွေရာသီမှာ မီလန် အသင်းဟာ အလုပ်များဦးမယ့် အခြေအနေ ရှိပြီး အသင်းရဲ့ ကြယ်ပွင့် ရာဖေးလ် လီယာအို ကလည်း ပရီးမီးယားလိဂ် ဒါမှမဟုတ် လာလီဂါကို ပြောင်းရွှေ့ချင်တယ်လို့ ပွင့်ပွင့်လင်းလင်း ပြောထားပါတယ်။ လီယာအိုကို ဘာစီလိုနာ၊ တော့တင်ဟမ်၊ မန်ယူ တို့က စိတ်ဝင်စားနေသလို ဆော်ဒီပရိုလိဂ် ကလည်း ခေါ်ယူဖို့ ရေပန်းစားနေဆဲ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
