အသင်းကြီး ၃ သင်းရဲ့ ပစ်မှတ် ဖြစ်နေတဲ့ ရက်ရှ်ဖို့ဒ်၊ နီကို ဝီလီယမ်စ်ကို ပြန်လည် စိတ်ဝင်စားလာတဲ့ အာဆင်နယ် | ပရီးမီးယားလိဂ်

နွေရာသီ အပြောင်းအရွှေ့ ဈေးကွက်ဟာ အမြဲတမ်းလိုလို စိတ်လှုပ်ရှားစရာ သတင်းတွေ၊ ရေပန်းစားနေတဲ့ ကောလာဟလတွေနဲ့ ပြည့်နှက်နေလေ့ ရှိပါတယ်။ အခု တစ်ခါမှာတော့ ပရီးမီးယားလိဂ် အပါအဝင် ဥရောပ ထိပ်သီး ကလပ်တွေရဲ့ စိတ်ဝင်စားဖွယ်ရာ အပြောင်းအရွှေ့ သတင်းထူးတွေကို စုစည်းဖော်ပြပေးလိုက်ပါတယ်။

အာဆင်နယ် အသင်းဟာ အက်တလက်တီကိုမက်ဒရစ် တိုက်စစ်မှူး ဟူလီယန် အဲလ်ဗာရက်စ်ကို ပေါင် ၄၃ သန်း အပြင် ဗစ်တာ ယောကရက်စ် ကိုပါ အလဲအထပ်လုပ်ပြီး ခေါ်ယူဖို့ သဘောတူညီမှု ရရှိခဲ့တယ်လို့ သတင်းထွက်ပေါ်လာပါတယ်။ ဒါပေမယ့် ဒီအပြောင်းအရွှေ့ ဖြစ်မြောက်ဖို့ ကတော့ အဲလ်ဗာရက်စ် အနေနဲ့ သူ့ရဲ့ အိမ်မက်ဖြစ်တဲ့ ဘာစီလိုနာကို ပြောင်းရွှေ့ချင်တဲ့ စိတ်ကူးကို စွန့်လွှတ်နိုင်မလား ဆိုတဲ့ အပေါ်မှာပဲ မူတည်နေပါတယ်။

မန်ချက်စတာယူနိုက်တက် အသင်းခေါင်းဆောင် ဘရူနို ဖာနန်ဒက်စ်ဟာ တူရကီ ကလပ် ဂါလာတာဆာရေး အသင်းက သူ့ရဲ့ ပြောင်းရွှေ့ကြေး ပေါင် ၆၄ သန်း ပေးချေမယ် ဆိုရင် ယူနိုက်တက်ကို စွန့်ခွာဖို့ စဉ်းစားနေပါတယ်။

တခြား တစ်ဖက် မှာလည်း ဘရူနိုနဲ့ မန်ယူနိုက်တက်တို့ အကြား ပြုလုပ်ခဲ့တဲ့ စာချုပ်သစ် ဆွေးနွေးမှုတွေဟာ သဘောတူညီမှု မရဘဲ ပျက်ပြားခဲ့တာကြောင့် ကလပ် အသင်း အများအပြားက သူ့ကို ခေါ်ယူဖို့ ကမ်းလှမ်းမှုတွေ စတင်လာခဲ့ပါတယ်။ ဒါပေမယ့် နှစ်ဖက်စလုံးက ဆွေးနွေးပွဲ အသစ်တွေ ထပ်မံ ပြုလုပ်ဖို့ ပြင်ဆင်နေကြဆဲ ဖြစ်ပါတယ်။

ပရီးမီးယားလိဂ် ကလပ် အာဆင်နယ်၊ ချဲလ်ဆီးနဲ့ တော့တင်ဟမ်ဟော့စပါး အသင်း တို့ဟာ ယူနိုက်တက် တောင်ပံ ကစားသမား မားကပ်စ် ရက်ရှ်ဖို့ဒ်ရဲ့ အခြေအနေကို စောင့်ကြည့်နေကြပါတယ်။ စပါး အသင်းက ပေါင် သန်း ၄၀ ပေးချေဖို့ ပြင်ဆင်ထားပေမယ့် မန်ယူနိုက်တက် ကတော့ ပြိုင်ဘက် ပရီးမီးယားလိဂ် အသင်းတွေဆီ ရောင်းချဖို့ လုံးဝ ဆန္ဒမရှိပါဘူး။

ဘုန်းမောက် အသင်းရဲ့ စာချုပ်သစ် ကမ်းလှမ်းမှုကို ငြင်းဆန်ထားတဲ့ ကွင်းလယ်လူ အဲလက်စ် စကော့တ်ဟာ ချဲလ်ဆီး အသင်းဆီ ပြောင်းရွှေ့ချင်နေပါတယ်။ ချဲလ်ဆီး ဘက်ကလည်း အာဆင်နယ်နဲ့ မန်စီးတီး တို့ထက် လက်ဦးမှု ရယူဖို့ အတွက် သူ့ကို ခေါ်ယူရေး လုပ်ငန်းစဉ်တွေကို အရှိန်မြှင့် ဆောင်ရွက်တော့မှာ ဖြစ်ပါတယ်။

အာဆင်နယ်ဟာ အသင်း ကနေ ထွက်ခွာသွားတဲ့ လီအန်ဒရို ထရော့ဆက်ဒ်ရဲ့ နေရာမှာ အစားထိုးဖို့ အတွက် အက်သလက်တစ် ဘီလ်ဘာအို တောင်ပံ ကစားသမား နီကို ဝီလီယမ်စ်ကို ပေါင် ၆၆ သန်း ပေးပြီး ခေါ်ယူဖို့ အသင့်ဖြစ်နေပါတယ်။ နီကို ဝီလီယမ်စ်ဟာ ပြီးခဲ့တဲ့ နှစ်တွေ ကတည်းက ပရီးမီးယားလိဂ် ကလပ် အာဆင်နယ်နဲ့ သတင်းတွေ ထွက်ပေါ်နေခဲ့သူ ဖြစ်ပါတယ်။

အာဆင်နယ် အသင်းခေါင်းဆောင် မာတင် အိုဒီဂတ် ဟာလည်း ဒီနွေရာသီမှာ အသင်း ကနေ ထွက်ခွာဖွယ် ရှိနေပါတယ်။ ဂန်းနားတို့ ဘက်က ကမ်းလှမ်းမှုတွေကို လက်ခံဖို့ လမ်းဖွင့်ထားပေမယ့် ဈေးနှုန်း အလွန် မြင့်မားစွာ သတ်မှတ်ထားတာကြောင့် စိတ်ဝင်စားတဲ့ အသင်းတွေ လက်တွန့်သွားနိုင်ပါတယ်။ ဒါကြောင့် ၂၀၂၈ မှာ စာချုပ်သက်တမ်း ကုန်ဆုံးမယ့် သူ့အတွက် လာမယ့် နွေရာသီကျမှ အသင်း ကနေ ထွက်ခွာဖို့ ပိုမို ဖြစ်နိုင်ခြေ ရှိနေပါတယ်။

စပါး အသင်းက ညာနောက်ခံလူ ဂျက်ဒ် စပန့်စ် အတွက် တောင်းဆိုထားတဲ့ ပေါင် သန်း ၄၀ ဟာ မြင့်မားလွန်းတယ်လို့ အင်တာမီလန် ဘက်က ယူဆထားတာကြောင့် သူ့ကို ခေါ်ယူမယ့် အစီအစဉ်ကို ခေတ္တ ရပ်တန့်ထားပါတယ်။

လဟ်ဗာပူးလ် အသင်းရဲ့ အစုရှယ်ယာ အနည်းငယ်ကို ဝယ်ယူဖို့ ဆွေးနွေးနေတဲ့ ရင်းနှီးမြှုပ်နှံသူများ အဖွဲ့ အနေနဲ့ ထိပ်တန်း အပြောင်းအရွှေ့ တချို့ကို ဘဏ္ဍာရေး ပံ့ပိုးပေးချင်နေပါတယ်။ ဘေယန်မြူးနစ်ရဲ့ မိုက်ကယ် အိုလီဆေးနဲ့ ရီးရဲလ်မက်ဒရစ်ရဲ့ ဗင်နီးစီးယက်စ် ဂျူနီယာ တို့ဟာ သူတို့ရဲ့ အဓိက ပစ်မှတ်တွေ ဖြစ်နေပါတယ်။

တစ်ချိန်တည်းမှာပဲ လစ်ဗာပူးလ် အသင်းဟာ မိုနာကို တောင်ပံကစားသမား မဂ်နက်စ် အာကလီယူချီကို ခေါ်ယူနိုင်ဖို့ ပီအက်စ်ဂျီ အသင်းနဲ့ အပြိုင်အဆိုင် ကမ်းလှမ်းထားပါတယ်။

ပီအက်စ်ဂျီ အသင်းဟာ မန်စီးတီး ကွင်းလယ်လူ ရိုဒရီ ကို ခေါ်ယူဖို့ ရီးရဲလ်မက်ဒရစ်၊ ဘာစီလိုနာ တို့နဲ့ အတူ စိတ်ဝင်စားမှု စာရင်းထဲ ပါဝင်လာခဲ့ပါတယ်။ တခြား တစ်ဖက် မှာလည်း ရီးရဲလ်မာဒရစ် ဥက္ကဋ္ဌ ဖလောရန်တီနို ပီရက်ဇ်ဟာ စိတ်ပြောင်းသွားခဲ့ပြီး ရိုဒရီကို ရအောင် ခေါ်ယူဖို့ ပြန်လည် ပြင်ဆင်လာခဲ့ပါတယ်။

အက်စတွန်ဗီလာဟာ ရီးရဲလ်ဘက်တစ် တောင်ပံကစားသမား အဘ်ဒေး အက်ဇာဇူလီ ကို ခေါ်ယူမယ့် အစီအစဉ် ကနေ နောက်ဆုတ်လိုက်ပြီး ချဲလ်ဆီး တောင်ပံ ကစားသမား အလက်ဟန်ဒရို ဂါနာချို ကိုပဲ အာရုံစိုက်တော့မှာ ဖြစ်ပါတယ်။ ဒါကြောင့် မော်ရိုကို လက်ရွေးစင် အက်ဇာဇူလီကို ခေါ်ယူဖို့ နယူးကာဆယ် အတွက် လမ်းကြောင်း ပွင့်သွားခဲ့ပါတယ်။

ရိုးမား အသင်းဟာ ချဲလ်ဆီး ဗဟိုခံစစ်မှူး အက်ဆဲလ် ဒီဆာစီကို ခေါ်ယူဖို့ အတွက် ချဲလ်ဆီးထံ ဆက်သွယ်လိုက်ပါတယ်။ ချဲလ်ဆီး ကတော့ သူ့ရဲ့ တန်ကြေးကို ပေါင် ၁၇ သန်း သတ်မှတ်ထားပါတယ်။

ဘာစီလိုနာ အသင်းဟာ ဖာရန် တောရက်စ် ကို စာချုပ်သစ်ချုပ်ဆိုဖို့ ကြိုးပမ်းနေပေမယ့် ပီအက်စ်ဂျီနဲ့ ပရီးမီးယားလိဂ် ကလပ်တွေရဲ့ စိတ်ဝင်စားမှု တိုးတက်လာတာကြောင့် ခက်ခဲနေပါတယ်။ ရီးရဲလ်မာဒရစ်နဲ့ ဖာရန်တို့ အကြား သတင်းတွေ ကတော့ မဟုတ်မှန်ပေမယ့် ကမ္ဘာ့ဖလား ချန်ပီယံ ဖာရန် တောရက်စ် အနေနဲ့ ဒီနွေရာသီမှာ ဘာစီလိုနာ ကနေ ထွက်ခွာဖို့ ၈၀ ရာခိုင်နှုန်းအထိ ဖြစ်နိုင်ခြေ ရှိနေပါတယ်။

နည်းပြ မော်ရင်ညိုဟာ ရီးရဲလ်မက်ဒရစ် ဗဟိုခံစစ်မှူး ရာအူးလ် အဆန်စီယိုကို ဒီရာသီ အသင်းရဲ့ အစီအစဉ်မှာ ပါဝင်တော့မှာ မဟုတ်ကြောင်း အကြောင်းကြားခဲ့ပါတယ်။
ကွင်းလယ်လူသစ် တစ်ဦး ရှာဖွေရာမှာ စိန်ခေါ်မှုတွေနဲ့ ရင်ဆိုင်နေရတဲ့ ရီးရဲလ်မက်ဒရစ် အသင်း အဖွဲ့ဝင် တချို့ ကတော့ ရိုးမား ကွင်းလယ်လူ မာနူ ကိုနေးကို ခေါ်ယူဖို့ တိုက်တွန်းနေကြပါတယ်။

ဘာစီလိုနာ တိုက်စစ်မှူး ရာဖင်ညာဟာ ဒီနွေရာသီမှာ အန်သိုနီ ဂေါ်ဒွန်နဲ့ ကာရင်မ် အဒီယီမီတို့ ရောက်ရှိလာပြီးနောက် အသင်းရဲ့ တိုက်စစ်ပိုင်းမှာ သူ့ရဲ့ အခန်းကဏ္ဍနဲ့ ပတ်သက်ပြီး နည်းပြ ဟန်ဆီ ဖလစ်ခ်နဲ့ တိုက်ရိုက် ဆွေးနွေးသွားဖို့ ပြင်ဆင်နေပါတယ်။ အဲဒီဆွေးနွေးပွဲပြီးမှသာ ဆော်ဒီကလပ်တွေဆီ ပြောင်းရွှေ့ဖို့ စဉ်းစားမလား ဆိုတာကို ဆုံးဖြတ်သွားမှာ ဖြစ်ပါတယ်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်