ရွှေရောင် မျှော်လင့်ချက်ကို ဆက်လက် အသက်သွင်းမယ့် ပြင်သစ်တို့ လုံးဝ အမှားခံမှာ မဟုတ်ဘူး | ကမ္ဘာ့ဖလား (ပွဲကြိုသုံးသပ်ချက်)

ပါရာဂွေး – ပြင်သစ် 

၂၀၂၆ ကမ္ဘာ့ဖလားမှာ နောက်ထပ် အံ့အားသင့်ဖွယ် ရလဒ်တစ်ခု ထပ်မံဖော်ဆောင်ဖို့ ရည်မှန်းထားတဲ့ ပါရာဂွေး ကတော့ ပြိုင်ပွဲရဲ့ ရေပန်းအစားဆုံး ပြင်သစ် အသင်းနဲ့ ၁၆ သင်းအဆင့် ရှုံးထွက်ပွဲစဉ် အဖြစ် ထိပ်တိုက်ရင်ဆိုင်ရတော့မှာ ဖြစ်ပါတယ်။

ပါရာဂွေး အသင်းဟာ ၃၂ သင်းအဆင့်မှာ ကမ္ဘာ့ဖလား ချန်ပီယံ ၄ ကြိမ် ဖြစ်ဖူးတဲ့ ဂျာမနီ အသင်းကို ဖြုတ်ချပြီး ဒီအဆင့်ကို တက်လာခဲ့တာ ဖြစ်ပါတယ်။ ပြင်သစ် အသင်း ကတော့ ဆွီဒင်ကို သက်တောင့်သက်သာ အနိုင်ယူကာ ဒီအဆင့်ကို တက်လှမ်းလာခဲ့တာပါ။

 

ပါရာဂွေး

ပြီးခဲ့တဲ့ တနင်္လာနေ့က ကစားခဲ့တဲ့ ၃၂ သင်း အဆင့် ပွဲစဉ်မှာ ပါရာဂွေးဟာ ဂျာမနီနဲ့ မိနစ် ၁၂၀ အတွင်း ၁ ဂိုး ၁ ဂိုး သရေကျခဲ့ပြီးနောက် ပင်နယ်တီ အဆုံးအဖြတ်မှာ ၄-၃ နဲ့ အနိုင်ရရှိခဲ့လို့ ဝမ်းသာ မျက်ရည်ကျကာ အောင်ပွဲခံခဲ့ရပါတယ်။ ဒါဟာ ခေတ်သစ် ဘောလုံးသမိုင်းမှာ အကြီးမားဆုံး ဆန်းကြယ်တဲ့ ရလဒ် တစ်ခု ဖြစ်ပြီး ကမ္ဘာ့အဆင့် ၁၀ ရှိတဲ့ ဂျာမနီနဲ့ အဆင့် ၄၁ ရှိတဲ့ ပါရာဂွေးတို့ အကြား အဆင့် ၃၁ ဆင့်အထိ ကွာခြားချက်ဟာ ၁၉၉၄ နောက်ပိုင်း ကမ္ဘာ့ဖလား ရှုံးထွက်သမိုင်းမှာ စတုတ္ထမြောက် ကွာဟချက် အများဆုံးကို ကျော်ဖြတ်နိုင်ခဲ့တဲ့ မှတ်တမ်း ဖြစ်လာခဲ့ပါတယ်။ အုပ်စု အဖွင့်ပွဲမှာ အိမ်ရှင် အမေရိကန်ကို ၄-၁ နဲ့ ရှုံးနိမ့်ခဲ့ရတဲ့ ပါရာဂွေးဟာ အဲဒီနောက်ပိုင်း နည်းပြ ဂူစတာဗို အာလ်ဖာရိုရဲ့ စနစ်တကျ ပြင်ဆင်မှု၊ အသင်းရဲ့ စည်းလုံးမှုတွေနဲ့အတူ ချိုးဖျက်ရ ခက်တဲ့ အသင်း တစ်သင်း အဖြစ် ပြောင်းလဲလာခဲ့ပါတယ်။ 

၂၀၂၄ ခုနှစ် သြဂုတ်လမှာ အာလ်ဖာရို နည်းပြ အဖြစ် စတင်တာဝန်ယူပြီး နောက်ပိုင်း ကမ္ဘာ့ဖလား ခြေစစ်ပွဲ ၁၂ ပွဲမှာ ၁ ပွဲပဲ ရှုံးခဲ့သလို၊ ပြိုင်ပွဲစုံ နောက်ဆုံး ၂၃ ပွဲမှာလည်း ၅ ပွဲသာ ရှုံးနိမ့်ထားပါတယ်။ ဒါပေမယ့်လည်း ပါရာဂွေးဟာ ပြင်သစ်နဲ့ ၅ ကြိမ်တွေ့ဆုံရာမှာ တစ်ကြိမ်မှ မနိုင်ဖူးဘဲ ၁၉၉၈ ကမ္ဘာ့ဖလား ၁၆ သင်း အဆင့်တုန်းက မိနစ် ၁၁၄ မှာ လော်ရန့်တ် ဘလန့်ခ် ရဲ့ ရွှေဂိုး (Golden Goal) ကြောင့် ၁-၀ နဲ့ ကပ်ရှုံးခဲ့ရတဲ့ သမိုင်းကို ကလဲ့စားချေဖို့ အားခဲနေပါတယ်။

 

ပြင်သစ်

တစ်ဖက် မှာတော့ ပြင်သစ် အသင်းဟာ မက္ကဆီကို၊ အာဂျင်တီးနား တို့နဲ့အတူ ဒီနှစ် ကမ္ဘာ့ဖလားမှာ ဗိုလ်စွဲဖို့ ရေပန်းစားနေတဲ့ သုံးသင်းထဲက တစ်သင်း ဖြစ်ပါတယ်။ ဒါ့အပြင် သွင်းဂိုး ၁၂ ဂိုး အထိ သွင်းယူကာ ပြိုင်ပွဲမှာ ဂိုးသွင်း အများဆုံး အသင်း အဖြစ် ရပ်တည်နေပါတယ်။

ပြင်သစ်ရဲ့ ကျောက်မတ်ဖွယ် တိုက်စစ်ပိုင်းကို ကီလီယန် အမ်ဘာပေး၊ အူစမန်နီ ဒမ်ဘီလီ၊ မိုက်ကယ် အိုလီဆေးဇ် နဲ့ ဘရက်ဒ်လေ ဘာကိုလာ တို့က ဦးဆောင်နေပြီး ပြီးခဲ့တဲ့ ဆွီဒင်နဲ့ ၃-၀ ပွဲမှာလည်း အမ်ဘာပေးက ၂ ဂိုး သွင်းယူပေးခဲ့ပါတယ်။ ဒီပွဲဟာ မိခင်ကွယ်လွန်သွားခဲ့တဲ့ နည်းပြချုပ် ဒီဒီယာ ဒက်စ်ရွှမ့်စ် အတွက် စိတ်မကောင်းစရာ အခြေအနေကြားက ကွင်း အတွင်း ပြန်လည် ကိုင်တွယ်ခဲ့တဲ့ ပွဲဖြစ်ပြီး၊ ကမ္ဘာ့ဖလား သမိုင်းမှာ နည်းပြ တစ်ဦး အနေနဲ့ ပွဲအများဆုံး နိုင်တဲ့ စံချိန် (၁၈ ပွဲ) ကိုလည်း ဆက်လက် တိုးမြှင့်နိုင်ခဲ့ပါတယ်။ ထူးခြားချက်အနေနဲ့ ဒက်စ်ရွှမ့်စ်ဟာ ၁၉၉၈ တုန်းက ပါရာဂွေးကို အနိုင်ရခဲ့တဲ့ ပြင်သစ် အသင်းရဲ့ ကပ္ပတိန်အဖြစ် ကစားခဲ့ဖူးသူပါ။

ဖီဖာ ကမ္ဘာ့အဆင့် ၁ နေရာမှာ ရှိနေပြီး ပြိုင်ပွဲစုံ နောက်ဆုံး ၁၀ ပွဲမှာ ၉ ပွဲအထိ နိုင်ထားတဲ့ ပြင်သစ်ဟာ သူတို့ ချန်ပီယံ ဖြစ်ခဲ့တဲ့ ၂၀၁၈ ကမ္ဘာ့ဖလားက စလို့ ၁၈ ပွဲမှာ ၁၅ ပွဲအထိ နိုင်ထားတာ ဖြစ်ပါတယ်။ ဒါပေမယ့် နည်းပြ ဒက်စ်ရွှမ့်စ် ကတော့ ပါရာဂွေး အသင်း ဂျာမနီကို ဖြုတ်ချလာတာဟာ ကံကောင်းလို့ မဟုတ်ဘဲ အရည်အချင်းကြောင့် ဖြစ်လို့ စနေနေ့ပွဲမှာ ပေါ့ဆလို့ မရကြောင်း သူ့ရဲ့ ကစားသမားတွေကို ပြတ်ပြတ်သားသား သတိပေးထားပါတယ်။

 

နှစ်ဖက်အသင်း သတင်းများ

အခုပွဲကိုတော့ ပါရာဂွေး ဘက်က အိုမာ အဲလ်ဒါရက်တီ လွဲချော်ဖို့ ရှိပြီး ပြင်သစ် ဘက်မှာတော့ မားကပ်စ် သူရမ် တစ်ဦးတည်း လွဲချော်မှာပါ။

 

ဖြစ်နိုင်ဖွယ် လူစာရင်း 

ပါရာဂွေး – ဂီးလ်၊ ကာစီးရက်စ်၊ ဂိုးမက်ဇ်၊ ကာနာလီ၊ အလွန်ဆို၊ ဂါလာဇာ၊ ကူဘက်စ်၊ ဒီ ဂိုးမက်ဇ်၊ အဲလ်မီရွန်၊ အဗာလော့စ်၊ အန်စီဆို

ပြင်သစ် – မိုက်ဂ်နွန်၊ ကွန်ဒေး၊ အူပါမီကာနို၊ ဆလီဘာ၊ ဒစ်ဂ်နီး၊ ချူအာမန်နီ၊ ရာဘီယော့တ်၊ ဒမ်ဘီလီ၊ အိုလီဆေး၊ ဘာကိုလာ၊ အမ်ဘာပေး

 

ထိပ်တိုက်တွေ့ဆုံမှုနဲ့ နောက်ဆုံး ၅ ပွဲ ရလဒ်

ဒီနှစ်သင်းဟာ ၄ ကြိမ် ထိပ်တွေ့ဆုံဖူးပြီး ကမ္ဘာ့ဖလားမှာ ၂ ကြိမ်၊ ခြေစွမ်းပွဲမှာ ၂ ကြိမ် ဖြစ်ပါတယ်။ ကမ္ဘာ့ဖလား နှစ်ကြိမ် တွေ့ဆုံမှုမှာတော့ ပြင်သစ်က ၇-၃ နဲ့ တစ်ကြိမ်၊ ၁-၀ နဲ့ တစ်ကြိမ် အနိုင်ရဖူးပါတယ်။

 

လောင်းကစားဆိုင်ရာ အကြံပြုချက်

SBOTOPရဲ့ 1X2 မှာ ပါရာဂွေး နိုင်ရင် ၁၄ ဆ၊ ပြင်သစ် နိုင်ရင် ၁.၁၉ ဆ၊ သရေ ဆိုရင်တော့ ၆.၅၀ ဆ ရရှိမှာ ဖြစ်ပါတယ်။ ပါရာဂွေးက ဂျာမနီကို ကျော်ဖြတ်လာတာ အထင်ကြီးစရာ ဖြစ်ပေမယ့် အခုတွေ့မှာက ခြေစွမ်းမတည်ငြိမ်တဲ့ ဂျာမနီ မဟုတ်ပါဘူး။ ကောင်းပေ့၊ စွမ်းပေ့ ဆိုတဲ့ ကစားသမားတွေနဲ့ စုဖွဲ့ထားတဲ့ အတောင့်တင်းဆုံး၊ ရေပန်းအစားဆုံး အသင်း ပြင်သစ်နဲ့ပါ။ ပါရာဂွေး မျှော်လင့်နိုင်စရာက သာမန် ပွဲချိန် အတွင်း သရေ ပိတ်ကန်ပြီး ပင်နယ်တီ အထိ ရောက်ဖို့ပါ။ ဒါပေမယ့်လည်း ဒါကလည်း မဖြစ်နိုင်တဲ့ အခြေအနေပါ။ ပြင်သစ် ဂိုးပြတ် နိုင်ပါလိမ့်မယ်။

ခန့်မှန်းရလဒ်

ပါရာဂွေး ၀-၃ ပြင်သစ်

ကျွန်ုပ်တို့၏ လောင်းကစားအတွက် သက်မှတ်ထားသည့် () များသည်မည်မျှ တန်ဘိုးရှိကြောင်း ရှင်းလင်းချက်
= €20 (ယုံကြည်ချက် အမြင့်ဆုံး)	= €10 (ယုံကြည်ချက်)	= €5 (ယုံကြည်ချက် အနည်းငယ် )

ရှင်းလင်းချက် : ကြေးများသည် ထုတ်ပြန်ကြေညာသည့်အချိန်တွင် မှန်ကန်မှုရှိပါသည်။

   

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်