နာပိုလီ ဂိုးသမားကို စိတ်ဝင်စားနေတဲ့ တော့တင်ဟမ်ဟော့စပါး၊ ဂျူဗင်တပ်စ် ကွင်းလယ်လူကို ခေါ်ယူနိုင်တော့မယ့် လိဒ်စ် (စီးရီးအေ နောက်ဆုံးရ သတင်းများ)

နာပိုလီ ဂိုးသမားကို စိတ်ဝင်စားနေတဲ့ တော့တင်ဟမ်ဟော့စပါး၊ ဂျူဗင်တပ်စ် ကွင်းလယ်လူကို ခေါ်ယူနိုင်တော့မယ့် လိဒ်စ် စတဲ့ သတင်းတွေ အပါအဝင် ဇန်နဝါရီ ၂၆ ရက်နေ့ရဲ့ စီးရီးအေ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။

နာပိုလီ ဂိုးသမားကို စိတ်ဝင်စားနေတဲ့ တော့တင်ဟမ်ဟော့စပါး

တော့တင်ဟမ်ဟော့စပါးဟာ စီးရီးအေ ထိပ်သီး ကလပ် တစ်ခု ဖြစ်တဲ့ နာပိုလီရဲ့ ဂိုးသမား အဲလက်စ် မီရက်ကို ခေါ်ယူဖို့ စိတ်ဝင်စားနေတယ်လို့ သိရပါတယ်။ 

အသက် (၂၅) နှစ် အရွယ် အဆိုပါ စီးရီးအေ ဂိုးသမားဟာ ဟူဂို လိုရစ်ရဲ့ နေရာကို အစားဝင်နိုင်မယ့် ကစားသမား အဖြစ် တော့တင်ဟမ်ဟော့စပါး တာဝန်ရှိသူတွေက ယူဆနေတာပါ။ 

စပါး ကတော့ မီရက် အပြင် အဲဗာတန် ဂိုးသမား ဂျော်ဒန် ပစ်ခ်ဖို့ဒ်၊ ဘရန့်ဖို့ဒ် ဂိုးသမား ဒေးဗစ် ရာယာ တို့ကိုလည်း စိတ်ဝင်စားနေပြီး လာမယ့် နွေရာသီမှာ စတင် လှုပ်ရှားလာဖွယ် ရှိနေပါတယ်။

ကက်ဆီရဲ့ စာချုပ်သစ် တောင်းဆိုမှုကြောင့် ထွက်ခွာခွင့်ပေးခဲ့ရတဲ့ အေစီမီလန်

အေစီမီလန်ရဲ့ အားကစား ဒါရိုက်တာ ပေါ်လို မာလ်ဒီနီက ပြီးခဲ့တဲ့ နွေရာသီမှာ ဖရန့်ခ် ကက်ဆီရဲ့ တောင်းဆိုမှုကို မလိုက်လျောနိုင်ဘဲ လက်လွှတ်ခံလိုက်ရကြောင်း ဖွင့်ဟခဲ့ပါတယ်။ 

အဆိုပါ ကစားသမား အတွက် အေစီမီလန်က စာချုပ်သစ် ကမ်းလှမ်းခဲ့ပေမယ့် ကစားသမားရဲ့ တောင်းဆိုမှုက များပြားလွန်းတာကြောင့် မလိုက်နိုင်ခဲ့ကြောင်း မာလ်ဒီနီက ဖွင့်ဟခဲ့တာပါ။ 

အဲ့ဒီနောက်မှာတော့ ကက်ဆီက ဘာစီလိုနာကို အလွတ် ပြောင်းရွှေ့ကြေးနဲ့ ပြောင်းရွှေ့သွားခဲ့ပြီး လက်ရှိ အချိန်မှာ စီးရီးအေ ကလပ် အသင်း တစ်သင်းပဲ ဖြစ်တဲ့ အင်တာမီလန်ကို ပြန်လည် ပြောင်းရွှေ့ဖို့ သတင်းတွေ ထွက်နေခဲ့ပါတယ်။ 

ဂျူဗင်တပ်စ် ကွင်းလယ်လူကို ခေါ်ယူနိုင်တော့မယ့် လိဒ်စ်ယူနိုက်တက်

လိဒ်စ်ယူနိုက်တက်ဟာ စီးရီးအေ ထိပ်သီး ကလပ် ဂျူဗင်တပ်စ်ရဲ့ ကွင်းလယ်လူ ဝက်စ်တန် မက်ကန်နီကို ခေါ်ယူနိုင်တော့မှာ ဖြစ်ကြောင်း သတင်းတွေက ဖော်ပြပါတယ်။ 

အဆိုပါ အမေရိကန် ကွင်းလယ်လူကို ဂျူဗင်တပ်စ်တို့ လက်ရှိ ဆောင်းရာသီမှာ အရောင်းစာရင်း တင်ထားပြီး ပြောင်းရွှေ့ကြေး ယူရို (၂၅) သန်း ရရှိရင် ရောင်းချသွားမှာ ဖြစ်ပါတယ်။ 

အခုချိန် မှာတော့ လိဒ်စ်က မက်ကန်နီ အတွက် ပုဂ္ဂိုလ်ရေး သဘောတူညီမှု ရရှိခဲ့ပြီး ဂျူဗင်တပ်စ်နဲ့ ပြောင်းရွှေ့ကြေး ဆက်လက် ဆွေးနွေးနေပြီ ဖြစ်ကြောင်း သိရပါတယ်။

 

●●●

နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS

အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်

ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.