ဘွန်ဒက်စ်လီဂါ ကလပ် ဒေါ့မန် ကတော့ အာဆင်နယ်က ယူကရိန်း ဘယ်နောက်ခံလူ အိုလက်ခ်ဆန်ဒါ ဇင်ချန်ကိုကို ခေါ်ယူဖို့ ပြင်ဆင်နေတယ်လို့ သတင်းတွေ ထွက်ပေါ်လာပါတယ်။ ဇင်ချန်ကို ကတော့ လက်ရှိ ပရီးမီးယားလိဂ် ကလပ် အာဆင်နယ်မှာ အရန်ခုံ ထိုင်နေရတာသာ များနေပြီးတော့ အရောင်းစာရင်း တင်ခံထားရတဲ့ ကစားသမားလည်း ဖြစ်ပါတယ်။
ဒါကြောင့် အသက် ၂၈ နှစ် အရွယ် ယူကရိန်း အသင်းခေါင်းဆောင်ကို ဘွန်ဒက်စ်လီဂါ ထိပ်သီး ဒေါ့မန် စောင့်ကြည့်နေပြီးတော့ အရ ခေါ်ယူဖို့ စီစဉ်နေတာ ဖြစ်ကြောင်း သိရပါတယ်။ အာဆင်နယ်ဟာ ဇင်ချန်ကိုကို စာချုပ်သက်တမ်းကုန်ချိန်မှ မဟုတ်ပဲ လက်ရှိ ဇန်နဝါရီ အပြောင်းအရွှေ့ ကာလ မှာပဲ ရောင်းထုတ်ဖို့ စီစဉ်ထားတာလည်း ဖြစ်ပါတယ်။ ဒါ့အပြင် ဂန်းနားတွေက ဇင်ချန်ကို အတွက် ပြောင်းရွှေ့ကြေး ယူရို သန်း ၃၀ ဝန်းကျင် လိုချင်နေကြောင်း သိရပါတယ်။ မနေ့ညက ထွက်ပေါ်လာတဲ့ သတင်းတွေ မှာတော့ ဇင်ချန်ကို လုပွဲထဲမှာ လာလီဂါ ကလပ် အက်တလက်တီကို မက်ဒရစ်လည်း ပါဝင်လာတယ်လို့ သိရပြီး ကစားသမား ကလည်း စိတ်ဝင်စားနေတယ်လို့ သိရပါတယ်။ အာဆင်နယ် ဘက်ကတော့ ဇင်ချန်ကို အတွက် ကနဦး ပြောင်းရွှေ့ကြေး ပေါင် သန်း ၂၀ + အပိုဆုကြေး ရရှိရင် ရောင်းထုတ်သွားချင်နေကြောင်းလည်း သိရပါတယ်။
ဇင်ချန်ကိုဟာ ၂၀၂၂-၂၀၂၃ ဘောလုံးရာသီမှာ ပရီးမီးယားလိဂ် ထိပ်သီး မန်စီးတီး ကနေ အာဆင်နယ်ကို ပြောင်းရွှေ့လာခဲ့သူ ဖြစ်ပါတယ်။ သူက အာဆင်နယ် အတွက် ၂ ရာသီခွဲကြာ ကာလ အတွင်း ပြိုင်ပွဲစုံ ၈၁ ပွဲ ကစားကာ ၂ ဂိုး သွင်းယူပေးထားပါတယ်။ ဇင်ချန်ကိုက အာဆင်နယ်ကို စတင် ရောက်ရှိချိန်မှာ အသင်း အတွက် အကျိုးပြုတဲ့ ကစားသမား ဖြစ်ခဲ့ပေမယ့် နောက်ပိုင်း မှာတော့ မကြာခဏ ဆိုသလို ဒဏ်ရာ ရနေတာနဲ့ ကြံ့ခိုင်မှု မပြည့်ဝတာကြောင့် အာဆင်နယ် ဘက်က အရောင်းစာရင်းတင်ဖို့ ဆုံးဖြတ်ခဲ့တာ ဖြစ်ပါတယ်။
တစ်ဖက်မှာလည်း အာဆင်နယ်က အသင်း အတွက် အမှန်တကယ် လိုအပ်နေတဲ့ တိုက်စစ်မှူး တစ်ဦး ရှာဖွေနေဆဲ ဖြစ်ပြီး အခုချိန်ထိတော့ ဘယ်ကစားသမားနဲ့မှ သဘောတူညီမှု မရသေးပါဘူး။ အာဆင်နယ်ဟာ ထိပ်တန်း တိုက်စစ်မှူး တော်တော်များများကို ချိတ်ဆက် မေးမြန်းနေသလို တချို့ ကစားသမားတွေ ကိုတော့ ကမ်းလှမ်းမှုတွေ ပြုလုပ်ထားပါတယ်။ ပြီးခဲ့တဲ့ ရက်ပိုင်းက ဆိုရင် အာဆင်နယ်က ဘင်ဂျာမင် ဆက်စ်ကို အတွက် လိုက်ပ်ဇစ်ကို ကမ်းလှမ်းခဲ့ပေမယ့် ပယ်ချခံထားရပါတယ်။ အာဆင်နယ်ရဲ့ တိုက်စစ် ပစ်မှတ်တွေထဲ မှာတော့ အလက်ဇန္တား အိဆက်ခ်၊ ဒူဆန် ဗလာဟိုဗစ်၊ ဗစ်တာ ယိုကီးရက်စ်၊ နီကို ဝီလီယမ်စ်နဲ့ အမ်ဘွမ်မို တို့လို ကစားသမားတွေ ချိန်ရွယ်နေပေမယ့် သတင်းတွေ ကတော့ အတည်ပြုလို့ မရသေးပါဘူး။
နောက်ဆုံး ရရှိတဲ့ သတင်းအရ ဆိုရင် အာဆင်နယ်က ရိုဆင်ဘော့ဂ် လူငယ် တိုက်စစ်မှူးလေး ဆဗာရီ နိုင်ပန်ကို ခေါ်ယူဖို့ အေးဂျင့် ဖြစ်သူနဲ့ ဆွေးနွေးနေတယ်လို့ သိရပါတယ်။ ဒီကစားသမားလေးကို ပရီးမီးယားလိဂ် ကလပ် မန်စီးတီး အပါအဝင် အခြားသော အသင်းတွေ ကလည်း စိတ်ဝင်စားနေပါတယ်။ နိုင်ပန်ဟာ No 8 နဲ့ No 10 နေရာတွေမှာ ကစားနိုင်သူ ဖြစ်ပေမယ့် အတွေ့အကြုံ လိုအပ်ချက်တော့ ရှိနေနိုင်သူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
