အာဆင်နယ် အက်တီဟတ်မှာ ကစားခဲ့တဲ့ ခရာဘောင်ဖလား ဆီမီးဖိုင်နယ် ဒုတိယကျော့ပွဲစဉ် မှာတော့ မန်စီးတီးက နယူးကာဆယ်ကို ထပ်မံ အနိုင်ယူပြီး ဗိုလ်လုပွဲကို တက်လှမ်းသွားခဲ့ပါတယ်။ ဒီပွဲမှာ မန်စီးတီးက အိုမာ မာမွတ်ရှ်ရဲ့ သွင်းဂိုး ၂ ဂိုး အပါအဝင် ၃-၁ ရလဒ်နဲ့ နယူးကာဆယ်ကို အနိုင်ယူပြီး ဗိုလ်လုပွဲကို သက်သောင့်သက်သာ တက်လှမ်းသွားနိုင်ခဲ့ပါတယ်။ ခရာဘောင်ဖလား ဗိုလ်လုပွဲ မှာတော့ မန်စီးတီးက ပရီးမီးယားလိဂ် ချန်ပီယံဆု အတွက် အဓိက ပြိုင်ဘက် ဖြစ်နေတဲ့ အာဆင်နယ်နဲ့ ရင်ဆိုင်ရတော့မှာလည်း ဖြစ်ပါတယ်။
ပွဲစဉ်အကျဉ်း
ပထမကျော့ စိန့်ဂျိမ်းစ်ပတ်ခ်မှာ ကစားစဉ်က ၂-၀ နဲ့ အနိုင်ရထားသော မန်ချက်စတာစီးတီးဟာ ယခု ဒုတိယကျော့တွင် ၃-၁ ဖြင့် ထပ်မံအနိုင်ရခဲ့သောကြောင့် နှစ်ကျော့ပေါင်း ရလဒ် ၅-၁ နဲ့ ဗိုလ်လုပွဲသို့ တက်ရောက်ခဲ့ခြင်း ဖြစ်ပါတယ်။ ပွဲစပြီး ၂၉ မိနစ် အတွင်း မှာပဲ မာမွတ်ရှ်က မန်စီးတီး အတွက် ဦးဆောင်ဂိုး နှစ်ဂိုး သွင်းယူပေးခဲ့ပါတယ်။ အဲဒီနောက် တီဂျန်နီ ရိုင်ဒါးစ်က တတိယဂိုးကို ထပ်မံ သွင်းယူပေးခဲ့ပြီး နယူးကာဆယ် အတွက် နှစ်သိမ့်ဂိုး ကိုတော့ အန်သိုနီ အီလန်ဂါက ဒုတိယပိုင်းမှာ တစ်ကိုယ်တော် စွမ်းဆောင်ရည်နဲ့ သွင်းယူပေးခဲ့ပါတယ်။
လာမယ့် တနင်္ဂနွေနေ့မှာ လစ်ဗာပူးလ်နဲ့ ကစားရမယ့် ပရီးမီးယားလိဂ် ပွဲစဉ် ရှိနေတာကြောင့် ပပ် ဂွါဒီယိုလာ အနေနဲ့ အာလင်း ဟာလန်း အပါအဝင် အမာခံ ကစားသမား ၆ ဦးကို အရန်ခုံတွင်ထားကာ လူစာရင်းကို အပြောင်းအလဲ လုပ်ခဲ့ပါတယ်။ ဒါပေမယ့်လည်း မန်စီးတီးက ပွဲအစ ၇ မိနစ်မှာပင် ကံကောင်း ထောက်မစွာ ဦးဆောင်ဂိုးရခဲ့သည်။ ဒန်ဘန်း ဖျက်ထုတ်ပုံ မှားယွင်းရာ ကနေ ဘောလုံးက မာမွတ်ရှ်နဲ့ ထိမှန်ပြီး ဂိုးသမား အာရွန် ရမ်းစ်ဒေးလ်ရဲ့ ခေါင်းပေါ် ကနေ ကျော်ကာ ဂိုးထဲသို့ ဝင်သွားခဲ့တာ ဖြစ်ပါတယ်။
မိနစ် ၃၀ မတိုင်ခင်မှာပဲ မန်စီးတီး ဒုတိယဂိုး ထပ်ရခဲ့ပြီး ကီရင် ထရစ်ပီယာက မန်စီးတီး တိုက်စစ်မှူး ဆီမီညိုရဲ့ ဖြတ်တင်ဘောကို ရှင်းထုတ်ရာမှာ အပေါ်ကို ထောင်တက်သွားခဲ့ပြီး ပြန်အကျမှာ မာမွတ်ရှ်က ခေါင်းတိုက်ကာ သွင်းယူပေးခဲ့တာ ဖြစ်ပါတယ်။ ၃ မိနစ် အကြာ မှာတော့ ရိုင်းဒါးစ်က ကွင်းလယ် ကနေ ဆွဲပြေးပြီး တန်ပြန်တိုက်စစ်ကို ကိုယ်တိုင် အဆုံးသတ်ကာ တတိယဂိုး သွင်းယူခဲ့တာ ဖြစ်ပါတယ်။
နယူးကာဆယ် အတွက် ပိုပြီး အထိနာခဲ့ရတာက အဓိက ကစားသမား အန်သိုနီ ဂေါ်ဒွန် ပထမပိုင်းမှာ ဒဏ်ရာရသွားခဲ့တာ ဖြစ်ပါတယ်။ ဒုတိယပိုင်းမှာ အီလန်ဂါက မန်စီးတီး နောက်ခံလူတွေကို ကျော်ဖြတ်ကာ ချေပဂိုး တစ်ဂိုး ပြန်သွင်းနိုင်ခဲ့ပေမယ့်လည်း ပွဲရလဒ်ကို ပြောင်းလဲနိုင်ခြင်း မရှိတော့ပါဘူး။
ပွဲပြီးအချက်အလက်နဲ့ မှတ်တမ်းများ
မန်ချက်စတာစီးတီး ကတော့ ခရာဘောင်ဖလား ဗိုလ်လုပွဲကို (၁၀) ကြိမ်မြောက် တက်ရောက်နိုင်ခဲ့ခြင်း ဖြစ်ပါတယ်။ ဒါကြောင့် ဒီပြိုင်ပွဲ သမိုင်းမှာ ဗိုလ်လုပွဲကို ၁၀ ကြိမ်နဲ့ အထက် တက်ရောက်ဖူးတဲ့ လစ်ဗာပူးလ် (၁၅ ကြိမ်)၊ ချဲလ်ဆီးနဲ့ မန်ချက်စတာယူနိုက်တက် (၁၀ ကြိမ်စီ) တို့ရဲ့ စံချိန်ကို လိုက်မှီခဲ့ပါတယ်။
မန်စီးတီးဟာ အက်တီဟတ်ကွင်းမှာ နယူးကာဆယ်နဲ့ တွေ့ဆုံခဲ့တဲ့ နောက်ဆုံး ၁၉ ပွဲတွင် ၁၈ ပွဲ အထိ အနိုင်ရထားပြီး၊ အိမ်ကွင်းမှာ ၁၂ ပွဲ ဆက်တိုက် အနိုင်ရတဲ့ စံချိန်ကို ပိုင်ဆိုင်ထားပါတယ်။ အိုမာ မာမွတ်ရှ် ကတော့ ဥရောပ ထိပ်သီးလိဂ် ၅ ခုမှာ ကလပ် အသင်းတွေ အတွက် ကစားပေးရာမှာ တစ်ပွဲတည်း ၂ ဂိုးနဲ့ အထက် သွင်းယူနိုင်မှု (၈) ကြိမ်မြောက် ဖြစ်လာခဲ့ပါတယ်။ မန်စီးတီး အတွက်မူ ယခုအကြိမ်က ဒုတိယမြောက် ဖြစ်ပြီး အဲဒီ နှစ်ကြိမ်စလုံးမှာ နယူးကာဆယ်နဲ့ တွေ့ဆုံခဲ့တဲ့ ပွဲစဉ်တွေ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
