ဇူလိုင်လ ၁၃ ရက်နေ့ အတွက် ရရှိထားသမျှ စိတ်ဝင်စားစရာ လာလီဂါ ထိပ်တန်း ကလပ်တွေရဲ့ အပြောင်းအရွှေ့ သတင်းတွေကို ဖော်ပြပေးသွားမှာ ဖြစ်ပါတယ်။
လာလီဂါ ကလပ် ရီးရဲလ်မက်ဒရစ် ကတော့ ဒီနွေရာသီမှာ ဗင်နီးစီးယပ်စ် ဂျူနီယာကို ယူရို သန်း ၁၅၀ နဲ့ ရောင်းချဖို့ ပြင်ဆင်နေကြောင်း Fichajes က ဖော်ပြခဲ့ပါတယ်။ ဘရာဇီးလ်သားဟာ ပြီးခဲ့တဲ့ ဖီဖာ ကလပ် ကမ္ဘာ့ဖလားမှာ သိသိသာသာ စွမ်းဆောင်ရည် ကျဆင်းနေခဲ့ပြီး အခုတော့ ရီးရဲလ်မက်ဒရစ် ကနေ ထွက်ခွာနိုင်ခြေ ရှိကြောင်း သတင်းတွေ ထွက်ပေါ်လာတာ ဖြစ်ပါတယ်။
ဗင်နီးစီးယပ်စ်ဟာ ပြီးခဲ့တဲ့ အပြောင်းအရွှေ့တွေ မှာကတည်းက ဆန်တီယာဂို ဘာနေဗျူးကို စွန့်ခွာနိုင်ခြေ ရှိကြောင်း ကောလာဟလတွေ တောက်လျောက် ထွက်ပေါ်နေခဲ့တာပါ။ ဗင်နီ ကိုတော့ ဆော်ဒီပရိုလိဂ် ကလပ်တွေက မြင့်မားတဲ့ ပြောင်းရွှေ့ကြေးနဲ့ လုပ်ခလစာ ပေးချေ ခေါ်ယူချင်နေတာ ဖြစ်ပါတယ်။
တစ်ဖက်မှာလည်း ဗင်နီးစီးယပ်စ် အနေနဲ့ အသင်းဖော် ကီလီယန် အမ်ဘာပေးနဲ့ သဟဇာတ မဖြစ်မှာကို အသင်း တာဝန်ရှိသူတွေက စိုးရိမ်နေကြကြောင်း El Periódico က ဖော်ပြခဲ့ပါတယ်။ အကယ်၍ ရီးရဲလ်မက်ဒရစ် အနေနဲ့ ၎င်းတို့ နှစ်ဦးအကြား ရွေးချယ်ရမယ် ဆိုရင်တော့ ဘရာဇီးလ်သားကို ရောင်းချဖို့ တွန့်ဆုတ်နေမှာ မဟုတ်ကြောင်း သိရပါတယ်။
အကယ်၍ ဘာစီလိုနာ အနေနဲ့ မန်ချက်စတာ ယူနိုက်တက် ကွင်းလယ်လူ မားကပ် ရက်ရှ်ဖို့ဒ်ကို ခေါ်ယူနိုင်ခြင်း မရှိပါက အေစီမီလန်က ရာဖေးလ် လီယောင်ကို ပြောင်းလဲ ပစ်မှတ်ထားသွားမှာ ဖြစ်ကြောင်း El Nacional က ဖော်ပြခဲ့ပါတယ်။ ဒါ့အပြင် လာလီဂါ ကလပ်ဟာ လိုက်ပ်ဇစ် တောင်ပံ ကစားသမား အန်တိုနီယို နူဆာကို နောက်ထပ် ရွေးချယ်စရာ အဖြစ် ရှုမြင်ထားကြပါတယ်။ ဒါ့အပြင် ဘာစီလိုနာဟာ လစ်ဗာပူးလ်က လူးဝစ္စ ဒီးယက်ဇ် စိတ်ဝင်စားနေပေမယ့် ဘေယန်မြူးနစ်နဲ့ အပြိုင်အဆိုင် ကြိုးပမ်းရဖို့ ရှိနေပါတယ်။
ဘာစီလိုနာ အားကစား ဒါရိုက်တာ ဒေကို ကတော့ မားကပ်စ် ရက်ရှ်ဖို့ဒ်ကို ကတ်တာလိုးနီးယားဆီ ခေါ်ယူဖို့ အတွက် အဓိက အတားအဆီး ဖြစ်နေကြောင်း ဂျာဗီ မီဂွယ်က ရေးသား ဖော်ပြခဲ့ပါတယ်။ ဒေကိုဟာ အစောပိုင်းမှာ ရက်ရှ်ဖို့ဒ်ကို သဘောကျကြောင်း ပြောကြားခဲ့ပေမယ့် လက်ရှိ မှာတော့ အင်္ဂလန် ကစားသမား အတွက် မြင့်မားတဲ့ ပြောင်းရွှေ့ကြေးကို အသုံးပြုလိုခြင်း မရှိကြောင်း သိရပါတယ်။
ရီးရဲလ်မက်ဒရစ် ကတော့ လစ်ဗာပူးလ် ဗဟိုနောက်ခံလူ အီဘရာဟီမာ ကိုနာတေးနဲ့ ပုဂ္ဂိုလ်ရေးအရ သဘောတူညီမှု ရရှိခဲ့ပြီ ဖြစ်ကြောင်း Fichajes က ဖော်ပြခဲ့ပါတယ်။ လော့စ်ဘလန်ကို့စ် တို့ဟာ လက်ရှိမှာ လစ်ဗာပူးလ်ရဲ့ တောင်းဆိုဈေး ယူရို သန်း ၅၀ (ပေါင် ၄၃.၃ သန်း) ကို ပေးချေဖို့ အဆင်သင့် ဖြစ်နေကြောင်း သိရပါတယ်။
ဝါရင့် စပိန် ကွင်းလယ် ကစားသမား ဆန်တီ ကာဇိုလာ ကတော့ လာလီဂါ တန်းတက် ကလပ် ရီးရဲလ် အိုဗီဒိုနဲ့ တစ်နှစ် သက်တမ်းတိုး စာချုပ် ချုပ်ဆိုလိုက်ကြောင်း သိရပါတယ်။ အသက် ၄၀ အရွယ် အာဆင်နယ် ကွင်းလယ်လူဟောင်း ကာဇိုလာဟာ ပြီးခဲ့တဲ့ ရာသီက အိုဗီဒိုကို တန်းတက်ခွင့် ရဖို့ ခြေစွမ်းပြနိုင်ခဲ့သူ ဖြစ်ပါတယ်။ ပရီးမီးယားလိဂ် ကလပ် မန်ချက်စတာယူနိုက်တက် ကတော့ ဘာစီလိုနာ ကြယ်ပွင့် မာ့ခ် ကာဆာဒိုကို ခေါ်ယူချင်နေကြောင်း သိရပါတယ်။ ဒီကစားသမား ကိုတော့ ယူနိုက်တက်နဲ့ အပြိုင် ချဲလ်ဆီးနဲ့ အက်တလက်တီကိုမက်ဒရစ် ကလည်း ခေါ်ယူချင်နေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
