ဟူလီယန် အဲလ်ဗာရက်ဇ်ရဲ့ အနာဂတ်ဟာ လာလီဂါ ကလပ် အက်တလက်တီကိုမက်ဒရစ်မှာ မရေမရာ ဖြစ်နေဆဲပါ။ ဒါပေမယ့် စီနီယာ တိုက်စစ်မှူးဟောင်း ဆာဂျီယို အဂွဲရိုး ကတော့ အဲလ်ဗာရက်ဇ် အနေနဲ့ အက်တလက်တီကိုမက်ဒရစ်မှာ ဆက်နေသွားနိုင်မယ့် နည်းလမ်း ရှိသေးတယ်လို့ ယုံကြည်နေပါတယ်။
အဂွဲရိုးက အဲလ်ဗာရက်ဇ် အနေနဲ့ အက်တလက်တီကိုမက်ဒရစ်နဲ့ ဖြစ်နေတဲ့ သဘောထား ကွဲလွဲမှုတွေကို ပြေလည်အောင် ဖြေရှင်းနိုင်မှာ ဖြစ်ပြီး “ပြဿနာမှန်သမျှကို ပွင့်ပွင့်လင်းလင်း ထိုင်စကားပြောလိုက်ရင် ပြေလည်သွားနိုင်ပါတယ်” လို့ မှတ်ချက်ပေးခဲ့တာပါ။
ပြီးခဲ့တဲ့ ရက်သတ္တပတ်တွေ အတွင်း အဲလ်ဗာရက်ဇ်ရဲ့ အနာဂတ်နဲ့ ပတ်သက်ပြီး ကာယကံရှင် ကိုယ်တိုင်ကပါ မီးစာမွှေလိုက်သလို ဖြစ်ခဲ့တာကြောင့် သတင်းတွေ အကြီးအကျယ် ထွက်ပေါ်ခဲ့တာ ဖြစ်ပါတယ်။ သူက အက်တလက်တီကို အသင်း ကနေ ထွက်ခွာချင်တယ်လို့ အသင်းကို အသိပေးခဲ့သလို၊ ကမ္ဘာ့ဖလား ပွဲအပြီး အင်တာဗျူး တစ်ခု မှာလည်း “သူ့ရဲ့ အိပ်မက်ကို အကောင်အထည်ဖော်ချင်တယ်” လို့ ပြောကြားပြီး ဘာစီလိုနာ အသင်းဆီ ပြောင်းရွှေ့ဖို့ အရိပ်အမြွက် ပြောဆိုခဲ့ပါသေးတယ်။
ဒါပေမယ့် လာလီဂါ ကလပ် ဘက်ကတော့ စာချုပ်ဖျက်သိမ်းကြေး ယူရို သန်း ၅၀၀ ရှိတဲ့ သူတို့ရဲ့ ကြယ်ပွင့် တိုက်စစ်မှူးကို လက်လွှတ်ဖို့ လုံးဝ အစီအစဉ်မရှိဘဲ ငြင်းဆန်ထားပါတယ်။ ပြီးခဲ့တဲ့ ရက်ပိုင်း ကလည်း အဲလ်ဗာရက်ဇ်ကို ခေါ်ယူဖို့ ရီးရဲလ်မက်ဒရစ်ရဲ့ ကမ်းလှမ်းမှုကို ပယ်ချခဲ့တယ်လို့ သတင်းတွေ ထွက်ပေါ်ခဲ့ပါသေးတယ်။
၂၀၀၆ ကနေ ၂၀၁၁ ခုနှစ် အထိ အက်တလက်တီကိုမှာ ကစားခဲ့ဖူးတဲ့ အဂွဲရိုးက မန်စီးတီးကို မပြောင်းခင်တုန်းက အခုလိုမျိုး ရီးရဲလ်မက်ဒရစ်မှာ ကစားချင်တယ်လို့ ပွင့်ပွင့်လင်းလင်း ပြောခဲ့ဖူးတာကြောင့် အဲလ်ဗာရက်ဇ်ရဲ့ အခြေအနေကို ကောင်းကောင်း နားလည်နေတာပါ။ အဲဒီတုန်းက သူဖြစ်ချင်တဲ့ ပြောင်းရွှေ့မှု ဖြစ်မလာခဲ့ပေမယ့် အခု အဲလ်ဗာရက်ဇ် အတွက်တော့ အက်တလက်တီကိုမှာ အဆင်ပြေအောင် ပြန်လုပ်ဖို့ နည်းလမ်း ရှိသေးတယ်လို့ ဆိုပါတယ်။
“ဟူလီယန်က အရမ်းပွင့်လင်းလွန်းလို့ လူတွေကို စိတ်အနှောင့်အယှက် ဖြစ်စေတာပါ။ ဒါမျိုးက အက်တလက်တီကိုမှာတုန်းက ကျွန်တော့်ဆီမှာလည်း ကြုံခဲ့ဖူးတယ်။ ဒါပေမယ့် သူ အက်တလက်တီကိုမှာ ဆက်နေနိုင်ပါသေးတယ်။ ကိစ္စ အတော်များများက သေချာ ထိုင်ပြီး စကားပြောလိုက်ရင် ပြေလည်သွားတတ်တာမျိုးပါ။ ဒါပေမယ့် သူ့ရဲ့ စိတ်ခံစားချက် ကိုလည်း ကြည့်ရဦးမယ်။ တစ်နှစ်ပတ်လုံး မျက်နှာပျက်ပြီး စိတ်ကောက်နေတဲ့ ကစားသမားမျိုး ကိုတော့ ဘယ်သူမှ အသင်းမှာ မထားချင်ကြဘူးလေ။ အကယ်၍ သူ ဒီမှာ မပျော်တော့ဘူး ဆိုရင် ကလပ် အသင်း ဘက်ကလည်း သူ့ကို ကူညီပေးသင့်တယ်။ ကျွန်တော့် အမြင် ကတော့ ကစားသမား တစ်ယောက် မပျော်တော့တဲ့အခါ အသင်းတွေက သူတို့ ဖြစ်ချင်တဲ့ အာဏာပြတဲ့ ပုံစံမျိုး လုပ်တတ်ကြပြီး နောက်ဆုံး မှာတော့ ကစားသမားပဲ နစ်နာရတာပဲ။” လို့ အဂွဲရိုးက AS မီဒီယာက တစ်ဆင့် ပြောကြားသွားခဲ့ပါတယ်။
တကယ်တော့ အဲလ်ဗာရက်ဇ်ဟာ ၂၀၂၅-၂၆ ရာသီအတွင်း (ကလပ်ကမ္ဘာ့ဖလား ပြိုင်ပွဲ မပါဝင်ဘဲ) အက်တလက်တီကို အတွက် ၄၉ ပွဲ ကစားပေးခဲ့ရာမှာ ၂၀ ဂိုး သွင်း၊ ၉ ဂိုး ဖန်တီး (စုစုပေါင်း ဂိုးပါဝင် ပတ်သက်မှု ၂၉ ဂိုး) ပေးခဲ့ပါတယ်။ ဒါဟာ လာလီဂါ ကစားသမားတွေထဲမှာ ပဉ္စမမြောက် အကောင်းဆုံး စွမ်းဆောင်ရှင် ဖြစ်ခဲ့ပါတယ်။
သူဟာ ၂၀၂၄ သြဂုတ် ၁၉ ရက်မှာ အက်တလက်တီကို အတွက် ပထမဆုံး ပွဲဦးထွက် ကစားပေးခဲ့ကတည်းက အသင်းမှာ သွင်းဂိုး အများဆုံး (၄၉ ဂိုး)၊ ဂိုးကန်သွင်းမှု အများဆုံး (၂၃၈ ကြိမ်) နဲ့ ဂိုးဖန်တီးမှု အများဆုံး (၁၇ ကြိမ်) စံချိန်တွေကို ပိုင်ဆိုင်ထားပြီး အသင်းရဲ့ အဓိက အသက်သွေးကြော ဖြစ်နေတာပါ။
ဒါကြောင့်လည်း အက်တလက်တီကို အသင်း တာဝန်ရှိသူတွေနဲ့ နည်းပြ ဒီယေဂို ဆီမြွန်နီတို့ ကတော့ အဲလ်ဗာရက်ဇ်ဟာ အသင်းရဲ့ အနာဂတ် စီမံကိန်း အတွက် မရှိမဖြစ် အရေးပါတဲ့သူ ဖြစ်တာကြောင့် ဘယ်လိုနည်းနဲ့မှ အသင်း ကနေ ပေးမထွက်ဘူးလို့ တင်းခံထားဆဲ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
