ဩဂုတ်လ ၁ ရက်နေ့ နံနက်ခင်း အထိ နောက်ဆုံး ရရှိထားသမျှ ဘွန်ဒက်စ်လီဂါ သတင်း တချို့ကို ဆက်လက် ဖော်ပြပေးသွားမှာ ဖြစ်ပါတယ်။
လီဝမ်ဒေါစကီးကို ပေါက်ကွဲနေတဲ့ ဘေယန်မြူးနစ် အားကစား ဒါရိုက်တာ
ရောဘတ် လီဝမ်ဒေါစကီးက သူ့ရဲ့ အသင်းဟောင်း ဘွန်ဒက်စ်လီဂါ ထိပ်သီး ဘေယန်မြူးနစ်ဟာ သူ့ကို ရောင်းချဖို့ အတွက် အကြောင်းအရင်း မရ ရအောင် ရှာဖွေခဲ့တယ်လို့ ထုတ်ဖော် ပြောကြားထားခဲ့တာ ဖြစ်ပါတယ်။
ဘွန်ဒက်စ်လီဂါ လက်ရှိ ချန်ပီယံ ဘေယန်မြူးနစ် အားကစားဒါရိုက်တာ ဆာလီဟာမစ်ဇစ်က “လီဝမ်ဒေါစကီး ပြောတာတွေကို ကျွန်တော် တစ်ခုမှ နားမလည်ပါဘူး။ ကျွန်တော့် အဖေ ကျနော့်ကို သင်ထားတာက ‘မင်း တစ်နေရာ ကနေ ထွက်သွားခဲ့ရင် မင်းကျောခိုင်းပြီး တံခါးမပိတ်ပစ်ခဲ့နဲ့’ တဲ့။ အခု လီဝမ်ဒေါစကီးက ဒီလမ်းကို ရွေးသွားပါတယ်”လို့ ဆိုပါတယ်။
ဒါ့အပြင် ဆာလီဟာမစ်ဇစ်က“ဘေယန်မြူးနစ်က ဒါမျိုးကို လုံးဝ လက်မခံပါဘူး။ ကျနော် လာပေါ်တာနဲ့ တွေ့ဖြစ်တဲ့ အခါ ဒီအကြောင်းနဲ့ ပတ်သက်လို့ ဆွေးနွေးသွားမှာပါ”ဆိုပြီး ထပ်လောင်း ပြောကြားသွားခဲ့ပါသေးတယ်။
စတုဂတ် တိုက်စစ်မှူးကို ပစ်မှတ် စာရင်းထဲ ထည့်သွင်းထားတဲ့ ယူနိုက်တက်
ယူနိုက်တက်ဟာ ဘွန်ဒက်စ်လီဂါ ကလပ် စတုဂတ်ရဲ့ တိုက်စစ်မှူး ဆာဆာ ကာလာ့ဂျစ်ကို သူတို့ရဲ့ ပစ်မှတ် ကစားသမား စာရင်းထဲမှာ ထည့်သွင်းထားတယ်လို့ သိရပါတယ်။ ယူနိုက်တက်ဟာ ဆဲလ်ဘတ် တိုက်စစ်မှူး ဘင်ဂျမင် ဆက်စ်ကို,ကိုလည်း စိတ်ဝင်စားနေပြီး ဖြစ်နိုင်ရင် နှစ်ဦးစလုံး ကိုတောင် ခေါ်ချင်နေတဲ့ သဘောမှာ ရှိနေတာပါ။
ယူနိုက်တက်ဟာ တိုက်စစ်မှူး ရော်နယ်ဒိုကို ခေါ်ယူမယ့် အသင်းရှိတာနဲ့ တပြိုင်နက် အသင်း ကနေ ထွက်ခွင့်ပြုရမှာ ဖြစ်ပါတယ်။ ကာလာ့ဂျစ်ဟာ အရပ် ၆ ပေ ၇ လက်မ ရှိတဲ့ တိုက်စစ်မှူး တစ်ဦး ဖြစ်ပြီး ဒီကစားသမားအတွက် စတုဂတ်က ပြောင်းရွှေ့ကြေး ပေါင် ၁၇ သန်းဝန်းကျင် သတ်မှတ်ထားတာ ဖြစ်ပါတယ်။
ကာလာ့ဂျစ်ဟာ ၂၀၁၉ ခုနှစ်က စတုဂတ်ကို စတင် ရောက်ရှိလာခဲ့ပြီးတော့ အသင်း အတွက် ၅၇ ပွဲ ကစားကာ ၂၄ ဂိုး သွင်းယူပေးထားနိုင်တဲ့ ကစားသမားလည်း ဖြစ်ပါတယ်။
ဗာနာကို ခုတုံးလုပ်ပြီး ဂဗာဒီယိုလ်ကို ခေါ်မယ့် ချဲလ်ဆီးရဲ့ အကြံ ပယ်ချခံရ
ချဲလ်ဆီး ကတော့ သူတို့ အသင်းရဲ့ တိုက်စစ်မှူး တီမို ဗာနာကို အသုံးချပြီး ဘွန်ဒက်စ်လီဂါ ကလပ် လိုက်ပ်ဇစ် နောက်ခံလူ ဂျော့စ်ကို ဂဗာဒီယိုလ်ကို ခေါ်ယူဖို့ ကမ်းလှမ်းခဲ့ပေမယ့် ပယ်ချခံခဲ့ရတယ်လို့ သိရပါတယ်။ ဗာနာဟာ လိုက်ပ်ဇစ် တိုက်စစ်မှူးဟောင်း တစ်ဦး ဖြစ်ပြီး လက်ရှိ နွေရာသီမှာ ချဲလ်ဆီး ကနေ ထွက်ဖို့ သတင်းတွေ ထွက်ပေါ်နေတဲ့သူ ဖြစ်ပါတယ်။
အသင်းဟောင်း လိုက်ပ်ဇစ် ကလည်း ဗာနာကို ပြန်လည် ခေါ်ယူဖို့ စိတ်ဝင်စားနေပြီး ဒီအချက်အပေါ်မှာ ချဲလ်ဆီးက အသုံးချဖို့ ကြိုးပမ်းခဲ့တာပါ။ ချဲလ်ဆီး အပါအဝင် အခြားသော ဥရောပထိပ်တန်း အသင်းကြီးတွေ ကလည်း အသက် ၂၀ အရွယ် ဂဗာဒီယိုလ်ကို ခေါ်ယူဖို့ စိတ်ဝင်စားနေပါသေးတယ်။
ဒါပေမယ့် လိုက်ပ်ဇစ် ဘက် ကတော့ ဒီကစားသမားကို ရောင်းချဖို့ လုံးဝ စိတ်မဝင်စားဘူးလို့ သိရပါတယ်။ ဂီဗာဒီယိုလ်ဟာ ပြီးခဲ့တဲ့ ဘောလုံးရာသီ ကမှ ဒိုင်နမို ဇာဂရက်ဘ် ကနေ ဘွန်ဒက်စ်လီဂါ ကလပ် လိုက်ပ်ဇစ်ကို ရောက်ရှိလာခဲ့တဲ့ ကစားသမားလည်း ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
