ရီးရဲလ်မက်ဒရစ် တောင်ပံ တိုက်စစ် ကစားသမား ဗင်နီးစီးယက်စ် ဂျူနီယာ ကတော့ အာဆင်နယ်ဆီ ပြောင်းရွှေ့တော့မယ် ဆိုပြီး သီတင်းပတ်ပေါင်းများစွာ သတင်းတွေ ထွက်ပေါ်ခဲ့သူပါ။ ဒါပေမယ့် အခုတော့ သူဟာ လာလီဂါ ကလပ် ရီးရဲလ်မက်ဒရစ်မှာပဲ ဆက်ရှိနေဖို့ အပြီးသတ် ဆုံးဖြတ်လိုက်ပြီ ဖြစ်ပါတယ်။
ဘရာဇီးလ် လက်ရွေးစင် ကစားသမား ဗင်နီးစီးယက်စ်ဟာ လာလီဂါ ထိပ်သီး ကလပ်နဲ့ ၂၀၃၂ ခုနှစ် ဇွန်လ အထိ သက်တမ်းရှိမယ့် စာချုပ်သစ်တစ်ရပ်ကို လက်မှတ်ရေးထိုးလိုက်တာပါ။ စာချုပ်ဟောင်း သက်တမ်း နောက်ဆုံး နှစ်ထဲ ရောက်နေချိန်မှာ အာဆင်နယ် အပါအဝင် ဥရောပထိပ်တန်း အသင်းကြီး တချို့ရဲ့ စိတ်ဝင်စားမှုကို အကြီးအကျယ် ရရှိခဲ့တာဖြစ်ပြီး၊ အခုလို ၆ နှစ် စာချုပ်သစ် ချုပ်ဆိုလိုက်တာကြောင့် စပိန်မြို့တော်မှာပဲ ဆက်လက် ခြေချသွားတော့မှာ ဖြစ်ပါတယ်။
သူဟာ စပိန်မြေကို ရောက်ရှိလာခဲ့တာ ၈ နှစ်ကြာမြင့်ခဲ့ပြီ ဖြစ်ပြီး ရီးရဲလ် အတွက် ပွဲပေါင်း ၃၇၅ ပွဲ ပါဝင် ကစားပေးထားကာ ၁၂၈ ဂိုး သွင်းယူပြီး ၈၅ ဂိုး ဖန်တီးပေးထားနိုင်ခဲ့ပါတယ်။ ဒါ့အပြင် အသင်းနဲ့ အတူ ဆုဖလားကြီး ၁၄ လုံး အထိ ဆွတ်ခူးရရှိထားပြီးပြီလည်း ဖြစ်ပါတယ်။ သူရရှိထားတဲ့ ဆုဖလားတွေထဲမှာ လာလီဂါ ချန်ပီယံဆု ၃ ကြိမ်၊ ချန်ပီယံလိဂ် ၂ ကြိမ်နဲ့ ကိုပါဒယ်ရေး ၁ ကြိမ်တို့ ပါဝင်ပြီး၊ အခုဆိုရင် အသင်းရဲ့ နည်းပြသစ် ဟိုဆေး မော်ရင်ညိုရဲ့ လက်အောက်မှာ နောက်ထပ် အောင်မြင်မှုတွေ ထပ်မံ စုဆောင်းသွားဖို့ ပြင်ဆင်နေပြီ ဖြစ်ပါတယ်။
စာချုပ်သစ် ချုပ်ဆိုအပြီးမှာတော့ ဗင်နီးစီးယက်စ်က သတင်းစကား အဖြစ် သူ့ရဲ့ Instagram story မှာ “ဘာနေဗျူးမှာ ၈ နှစ် ဆိုတာ တိုတောင်းလွန်းပါတယ်။ နောက်ထပ် ၆ နှစ်နဲ့ ထာဝရ ဆက်သွားကြတာပေါ့” ဆိုပြီး ရေးသား ဖော်ပြခဲ့ပါတယ်။ ၂၀၁၈-၁၉ ရာသီကတည်းက စတွက်မယ် ဆိုရင် ဗင်နီးစီးယက်စ်ဟာ လာလီဂါမှာ ဂိုးပါဝင် ပတ်သက်မှု ၁၁၈ ဂိုး (၇၇ ဂိုးသွင်း၊ ၄၁ ဂိုးဖန်တီး) နဲ့ ပဉ္စမမြောက် ဂိုးပါဝင် ပတ်သက်မှု အများဆုံး ကစားသမားအဖြစ် ရပ်တည်နေပါတယ်။ ဒါ့အပြင် တစ်ဦးချင်း လိမ်ခေါက် ကျော်ဖြတ်မှု ၅၇၄ ကြိမ်နဲ့ အများဆုံး စံချိန်တင်ထားသလို၊ ဖြစ်နိုင်ခြေ ရှိတဲ့ ဂိုးဖန်တီးမှု ၃၅၅ ကြိမ်နဲ့ ဒုတိယမြောက် အခွင့်အရေး အများဆုံး ဖန်တီးနိုင်သူလည်း ဖြစ်ပါတယ်။
၂၀၀၂-၀၃ ရာသီကတည်းက စာရင်းဇယားတွေအရ လာလီဂါမှာ စပိန် နိုင်ငံသား မဟုတ်တဲ့ ကစားသမားတွေထဲ ဂိုးပါဝင်ပတ်သက်မှု အများဆုံး စာရင်းမှာ အဆင့် ၁၄ နေရာမှာ ရှိနေတာပါ။ အဲဒီ ထိပ်တန်း ၁၄ ယောက် စာရင်းထဲ ကမှ လာမယ့်ရာသီမှာ လာလီဂါမှာ ဆက်လက် ယှဉ်ပြိုင်သွားဦးမယ့် ကစားသမားဆိုလို့ အင်နာကီ ဝီလီယမ်စ် (၁၃၇ ဂိုး) နဲ့ ဗင်နီးစီးယက်စ်တို့ နှစ်ယောက်တည်းပဲ ရှိပါတော့တယ်။
ချန်ပီယံလိဂ် ပြိုင်ပွဲမှာ ဆိုရင်လည်း ၂၀၁၈ ခုနှစ် ရောက်ရှိလာချိန်က စလို့ ၃၄ ဂိုးနဲ့ မက်ဒရစ်ရဲ့ ဂိုးသွင်း အများဆုံးသူ (ကာရင်မ် ဘန်ဇီမာနဲ့ စံချိန်တူ) ဖြစ်သလို၊ ၂၆ ဂိုးနဲ့ အများဆုံး ဂိုးဖန်တီးပေးထားသူလည်း ဖြစ်ပါတယ်။ ပြီးခဲ့တဲ့ရာသီ ရီးရဲလ်မက်ဒရစ် အသင်း ဆုဖလား တစ်လုံးမှ မရရှိခဲ့သလို၊ နည်းပြ ဇာဗီ အလွန်ဆို လက်ထက်မှာ ပွဲထွက်ခွင့် နည်းပါးခဲ့ပြီး ဇန်နဝါရီလမှာ အာဘီလိုအာနဲ့ နည်းပြ အပြောင်းအလဲ ဖြစ်ခဲ့ပေမယ့် ဗင်နီးစီးယက်စ်ကတော့ ပုံစံကောင်းကို ဆက်လက် ထိန်းသိမ်းနိုင်ခဲ့တာပါ။
သူဟာ ပြီးခဲ့တဲ့ရာသီ လာလီဂါ အပါအဝင် ပြိုင်ပွဲစုံ ၅၉ ပွဲမှာ ၂၃ ဂိုး သွင်းယူပြီး ၁၁ ဂိုး ဖန်တီးပေးခဲ့ပါတယ်။ ဒါ့အပြင် ဥရောပ ထိပ်တန်း လိဂ် ၅ ခုလုံးမှာ လာမင်း ယာမယ် (၁၃၃ ကြိမ်) နဲ့ ယန် ဒီယိုမန်ဒီ (၁၁၈ ကြိမ်) တို့ ပြီးရင် လိမ်ခေါက် ကျော်ဖြတ်မှု အများဆုံး (၈၇ ကြိမ်) ကိုလည်း ပြုလုပ်နိုင်ခဲ့သူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
