အီတလီ ပေါ်လို မာလ်ဒီနီ နှုတ်ထွက်သွားတယ် ဆိုတဲ့ သတင်းတွေကြောင့် အီတလီ ဘောလုံးလောက ကတော့ လှုပ်လှုပ်ခတ်ခတ် ဖြစ်သွားခဲ့ပြန်ပါပြီ။ ဒီအချိန် သူ့ရဲ့ နေရာမှာ ဂျော်ဂျီယို ချီလီနီ အစားထိုး ဝင်ရောက်လာမယ် ဆိုတဲ့ သတင်းတွေ ထွက်ပေါ်နေပေမယ့် ကံယာကံရှင် ဘက်ကတော့ အပြတ် ငြင်းဆိုထားခဲ့ပါတယ်။ လက်ရှိ အခြေအနေအရ ဆိုရင် ကမ္ဘာ့ဖလား ၄ ကြိမ်ရ အီတလီ လက်ရွေးစင် အသင်းကြီးရဲ့ အနာဂတ် ကတော့ တော်တော်လေး စိုးရိမ်စရာ ကောင်းနေပြီ ဖြစ်ပါတယ်။
အီတလီ အသင်းဟာ ၃ ကြိမ် ဆက်တိုက် ကမ္ဘာ့ဖလား ဝင်ခွင့် လွဲချော်ခဲ့ပြီးနောက် အသင်းကို ပြန်လည် တည်ဆောက်ဖို့ ကြိုးပမ်းနေတာပါ။ အီတလီ ဘောလုံးအဖွဲ့ချုပ်က မာလ်ဒီနီကို ဇူလိုင် ၁၁ ရက်နေ့မှာ ကွင်းတွင်း နည်းစနစ်ဆိုင်ရာ ကိစ္စရပ်တွေကို တာဝန်ယူဖို့ နည်းစနစ် ဒါရိုက်တာ အဖြစ် ခန့်အပ်ခဲ့ပါတယ်။
မာလ်ဒီနီဟာ ဘရာဇီးလ် ဂန္ထဝင် ကစားသမားဟောင်း လီယိုနာဒိုကို သူရဲ့ အကြံပေး အဖြစ် ငှားရမ်းခဲ့ပြီး နည်းပြ ဖြစ်သူ ဂျန်နာရို ဂတ်တူဆိုကို ထုတ်ပယ်ခဲ့ပြီးနောက် ပပ် ဂွါဒီယိုလာ၊ အန်ဆယ်လော့တီ တို့နဲ့ အီတလီ နည်းပြသစ် ရာထူး အတွက် ဆွေးနွေးမှုတွေ ပြုလုပ်ခဲ့ပါတယ်။ ဒါပေမယ့် သူတို့ နှစ်ဦးစလုံးက ငြင်းပယ်ခဲ့တာကြောင့် မာဒီနီဟာ အေစီမီလန် အသင်းဖော်ဟောင်း အန်ဒရီယာ ပီယာလိုကို နည်းပြ အဖြစ် ခန့်အပ်ဖို့ ကြိုးပမ်းခဲ့ပါတယ်။ ဒါပေမယ့် ပီယာလိုဟာ ရုရှား ကာစီနို ကုမ္ပဏီ တစ်ခုနဲ့ ပူးပေါင်း ဆောင်ရွက်ထားမှုတွေကြောင့် ပရိသတ်တွေရဲ့ ပြင်းပြင်းထန်ထန် ဝေဖန်မှုကို ခံခဲ့ရပြီး နောက်ဆုံး မှာတော့ စာချုပ်ချုပ်ဆိုဖို့ ကနေ နာမည် ပြန်လည် ရုပ်သိမ်းသွားခဲ့ရပါတယ်။
အဲဒီနောက် တနင်္လာနေ့မှာတော့ အီတလီ အသင်းရဲ့ အကျပ်အတည်းဟာ ပိုမိုနက်ရှိုင်းသွားခဲ့ပြီး မာလ်ဒီနီနဲ့ လီယိုနာဒို တို့ဟာ ရာထူး တာဝန်ယူပြီး ၁၆ ရက် အကြာမှာပဲ နုတ်ထွက်သွားခဲ့ကြပြီလို့ သတင်း အမြောက်အမြားက ဖော်ပြခဲ့ကြပါတယ်။ အသစ် ရွေးချယ်ခံထားရတဲ့ အီတလီ ဘောလုံးအဖွဲ့ချုပ် ဥက္ကဋ္ဌ ဂျိုဗန်နီ မာလာဂို အနေနဲ့ နည်းစနစ် ဒါရိုက်တာရော နည်းပြသစ်ပါ ရှာဖွေဖို့ ဖိအားတွေ အကြီးအကျယ် ရင်ဆိုင်နေရချိန်မှာ ချီလီနီဟာ နည်းစနစ် ဒါရိုက်တာ ရာထူး အတွက် ရေပန်းစားလာခဲ့တာ ဖြစ်ပါတယ်။
အီတလီ နောက်ခံလူဟောင်း ချီလီနီဟာ ပြီးခဲ့တဲ့နှစ်ကတည်းက ဂျူဗင်တပ်စ် အသင်းမှာ ဒီလို ပုံစံတူ ရာထူး တစ်ခုကို တာဝန်ယူထားသူဖြစ်ပြီး တူရင်မှာပဲ ဆက်ရှိနေရတာကို ကျေနပ်နေတယ်လို့ အတည်ပြုခဲ့ပါတယ်။ အင်္ဂါနေ့က သတင်းထောက်တွေနဲ့ တွေ့ဆုံရာမှာ ချီလီနီက “လွန်ခဲ့တဲ့ ရက်ပိုင်းက မီဒီယာတွေမှာ ထွက်ပေါ်နေတဲ့ သတင်းတွေနဲ့ ပတ်သက်လို့ ကျွန်တော် နည်းနည်း ရှင်းလင်း ပြောကြားချင်ပါတယ်။ ကျွန်တော် ဂျူဗင်တပ်စ်မှာ တာဝန်ယူထားတဲ့ ရာထူးနဲ့ ပတ်သက်လို့ အလွန် ကျေနပ်မိသလို၊ ဂျိုဗန်နီ ကာနီဗာလီနဲ့ ကလပ် အသင်းရဲ့ ထောက်ခံအားပေးမှုကိုလည်း ရရှိထားပါတယ်” လို့ ပြောကြားခဲ့ပါတယ်။
လက်ရှိ မှာတော့ အီတလီ အသင်းရဲ့ နည်းပြသစ် နေရာ အတွက် ယခင်က အီတလီ အသင်းကို ကိုင်တွယ်ဖူးကြတဲ့ ရောဘတ်တို မန်ချီနီနဲ့ အန်တိုနီယို ကွန်တီတို့က ရေပန်းအစားဆုံး ဖြစ်နေပါတယ်။ ကွန်တီဟာ ၂၀၁၄ ကနေ ၂၀၁၆ အထိ အီတလီ အသင်းကို ကိုင်တွယ်ခဲ့ပြီး ယူရို ၂၀၁၆ ကွာတားဖိုင်နယ်မှာ ဂျာမနီကို ပင်နယ်တီနဲ့ ရှုံးနိမ့်ခဲ့ဖူးပါတယ်။
တစ်ဖက် မှာလည်း မန်ချီနီဟာ ယူရို ၂၀၂၀ ဗိုလ်လုပွဲမှာ အင်္ဂလန်ကို အနိုင်ရပြီး ချန်ပီယံ ဖြစ်အောင် ဦးဆောင်ပေးနိုင်ခဲ့သူပါ။ ဒါပေမယ့် သူက ၂၀၂၂ ကမ္ဘာ့ဖလား ဝင်ခွင့် လွဲချော်ခဲ့ပြီးနောက် ၂၀၂၃ မှာ ဆော်ဒီအာရေဗျဆီ ပြောင်းရွှေ့ဖို့ မမျှော်လင့်ဘဲ နုတ်ထွက်သွားခဲ့သူ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
