နည်းပြလောက ကနေ နှစ်နှစ်နီးပါး အနားယူခဲ့တဲ့ ယာဂန် ကလော့ပ်ဟာ ဂျာမနီ လက်ရွေးစင် အသင်းရဲ့ နည်းပြသစ် ဖြစ်လာဖို့ အလွန် နီးစပ်နေပြီ ဖြစ်ပြီး ဆွေးနွေးမှုတွေ ကလည်း လမ်းကြောင်းမှန်ပေါ် ရောက်ရှိနေတယ်လို့ အတည်ပြုလိုက်ပါတယ်။ အသက် ၅၉ နှစ် အရွယ် ကလော့ပ်ဟာ ၂၀၂၄ ခုနှစ်မှာ လစ်ဗာပူးလ် အသင်းနဲ့ လမ်းခွဲခဲ့ပြီးကတည်းက အနားယူနေခဲ့တာ ဖြစ်ပါတယ်။ သူဟာ ဒီနွေရာသီ ကမ္ဘာ့ဖလားမှာ ရလဒ်တွေ ဆိုးရွားခဲ့လို့ ရာထူး ကနေ နှုတ်ထွက်သွားတဲ့ ဂျူလီယန် နာဂယ်စ်မန်းရဲ့ နေရာမှာ အစားထိုး ဝင်ရောက်ဖို့ ရေပန်းအစားဆုံး ဖြစ်နေတာပါ။
ဂျာမနီ အသင်းဟာ ၂၀၂၆ ကမ္ဘာ့ဖလား အဆင့် ၃၂ အသင်း အဆင့်မှာ ပါရာဂွေးကို ပင်နယ်တီ အဆုံးအဖြတ်နဲ့ ရှုံးနိမ့်ပြီး ပြိုင်ပွဲ ကနေ ထွက်ခဲ့ရပါတယ်။ ဒါဟာ ဂျာမနီ အသင်း သမိုင်းမှာ ကမ္ဘာ့ဖလား ပြိုင်ပွဲမှာ ပင်နယ်တီ အဆုံးအဖြတ်နဲ့ ပထမဆုံးအကြိမ် ရှုံးနိမ့်ခဲ့တာလည်း ဖြစ်ပါတယ်။
ဂျာမန် ဘောလုံးအဖွဲ့ချုပ် (DFB) က ကလော့ပ်နဲ့ စာချုပ်ပါ အဓိက အချက်အလက်တွေကို သဘောတူညီမှု ရရှိထားပြီး ဖြစ်ကြောင်း ဒီလ အစောပိုင်း ကတည်းက ကြေညာခဲ့သလို၊ မိန့်ဇ်၊ ဒေါ့မန်နဲ့ လစ်ဗာပူးလ် နည်းပြဟောင်း ကလော့ပ် ကိုယ်တိုင် ကလည်း သဘောတူညီမှု ရဖို့ နီးစပ်နေပြီ ဖြစ်ကြောင်း အခုလို ပြောကြားခဲ့ပါတယ်။
“ကျွန်တော် ရက်ဒ်ဘူးလ်နဲ့ ချုပ်ဆိုထားတဲ့ စာချုပ်မှာ အဆင်ပြေအောင် ကူညီပေးထားတဲ့ သဘောတူညီချက် ပါပြီးသားပါ။ ဒါကြောင့် အခုအချိန်မှာ ဘာအဟန့်အတားမှ မရှိတော့ပါဘူး။ အရာရာဟာ လမ်းကြောင်းမှန်ပေါ် ရောက်နေပါပြီ။ ဗိုလ်လုပွဲ အပြီးမှာ ပြန်လာခဲ့ကြမှာ ဖြစ်ပြီး ဒီကိစ္စကို အမြန်ဆုံး အပြီးသတ်နိုင်ဖို့ မျှော်လင့်ပါတယ်။” လို့ ကလော့ပ်က Magenta TV နဲ့ အင်တာဗျူးမှာ ပြောဆိုခဲ့ပါတယ်။
ကလော့ပ်ဟာ ၂၀၂၄ ဇန်နဝါရီမှာ နည်းပြ ဘဝ ကနေ ခတ္တ အနားယူချင်တာကြောင့် လစ်ဗာပူးလ် ကနေ ထွက်ခွာမယ်လို့ ကြေညာခဲ့ပြီး ၂၀၂၄ အောက်တိုဘာကတည်းက ရက်ဒ်ဘူးလ် အသင်းရဲ့ ကမ္ဘာလုံးဆိုင်ရာ ဘောလုံး အကြီးအကဲ အဖြစ် တာဝန်ထမ်းဆောင်နေတာ ဖြစ်ပါတယ်။ သူဟာ လစ်ဗာပူးလ်မှာ ၉ နှစ်ကြာ တာဝန်ယူစဉ် အတွင်း ပွဲပေါင်း ၄၈၉ ပွဲမှာ ၃၀၄ ပွဲ အနိုင်ရရှိခဲ့ကာ၊ ပရီးမီးယားလိဂ် ချန်ပီယံဆု အပါအဝင် အဓိက ဆုဖလား ၈ ခု အထိ ဆွတ်ခူးပေးခဲ့ပါတယ်။
ရက်ဒ်ဘူးလ်မှာ ရှိနေစဉ် ဘေယန်မြူးနစ်၊ ရီးရဲလ်မက်ဒရစ် တို့နဲ့ သတင်းတွေ ထွက်ပေါ်ခဲ့ပေမယ့် အမြဲတမ်း ငြင်းဆန်ခဲ့သူပါ။ ဒါပေမယ့် အခုအချိန်မှာတော့ စွမ်းအင်တွေ ပြန်လည် ပြည့်ဝလာပြီ ဖြစ်တာကြောင့် ကမ္ဘာ့ဖလားမှာ နောက်ထပ် တစ်ကြိမ် စောစောစီးစီး ထွက်ခဲ့ရတဲ့ ဂျာမနီ အသင်းကို ပြန်လည် တည်ဆောက်ဖို့ အဆင်သင့် ဖြစ်နေပါပြီ။
“အကောင်းဆုံး ကတော့ နောက်ရက်ပိုင်း အတွင်းမှာပဲ ဒါကို အပြီးသတ်သင့်တာပါ။ နောက်ထပ် နိုင်ငံတကာ ပွဲစဉ်တွေ မတိုင်ခင် သီတင်းပတ် အနည်းငယ်ပဲ လိုတော့တာကြောင့် ဆုံးဖြတ်ချက်ကို သေချာပေါက် ချမှတ်သွားမှာပါ။” လို့ ကလော့ပ်က ဆက်လက် ပြောကြားခဲ့ပါတယ်။
၂၀၁၈၊ ၂၀၂၂ ကမ္ဘာ့ဖလားတွေမှာ အုပ်စု အဆင့်နဲ့တင် ထွက်ခဲ့ရသလို ၂၀၂၆ မြောက်အမေရိက ကမ္ဘာ့ဖလား မှာလည်း လက်စွမ်းမပြနိုင်ခဲ့တာကြောင့် နာဂယ်စ်မန်းရဲ့ သက်တမ်း အဆုံးသတ်ခဲ့ရတာ ဖြစ်ပါတယ်။ အရာအားလုံး အဆင်ပြေသွားရင်တော့ ကလော့ပ်ရဲ့ ပထမဆုံး တာဝန်ဟာ ၂၀၂၆-၂၇ နေးရှင်းလိဂ် ပြိုင်ပွဲ ဖြစ်ပြီး ဂျာမနီက အုပ်စု (A2) မှာ နယ်သာလန်၊ ဂရိ၊ ဆာဘီးယားတို့နဲ့ ရင်ဆိုင်ရမှာပါ။ အဲ့ဒီနောက် ၂၀၂၈ ယူရို ခြေစစ်ပွဲစဉ်တွေကို ဆက်လက် ယှဉ်ပြိုင်ရမှာ ဖြစ်ပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , X and အင်စတာဂရမ်
