အခုတစ်ခါမှာတော့ ဒီဇင်ဘာ ၁၁ ရက်နေ့ အတွက် ရရှိထားသမျှ ပရီးမီးယားလိဂ်ရဲ့ စိတ်ဝင်စားစရာ သတင်းတွေကို ဖော်ပြပေးသွားမှာ ဖြစ်ပါတယ်။
မန်ချက်စတာစီးတီးဟာ အန်တိုနီယို ဆီမီညိုရဲ့ ပေါင် ၆၅ သန်း (ဒေါ်လာ ၈၆.၅ သန်း) တန် အပြောင်းအရွှေ့ အတွက် ဘုန်းမောက်နဲ့ သဘောတူညီမှု ရရှိခဲ့တယ်လို့ သိရပါတယ်။ ဒါပေမယ့်လည်း လစ်ဗာပူးလ်ဟာ ပြောင်းရွှေ့ကြေးနဲ့ စာချုပ်ပါ သဘောတူညီချက်ကို ညှိနှိုင်းခဲ့ပြီး ကစားသမားရဲ့ ကိုယ်ပိုင် ရွေးချယ်မှု အပေါ် စောင့်ဆိုင်းနေကြောင်း CaughtOffside က ဖော်ပြပါတယ်။ ဆီမီညို ကတော့ ပရီးမီးယားလိဂ် ကလပ် နှစ်ခု အကြားမှာ လစ်ဗာပူးလ် ကိုသာ သူနှစ်သက်တဲ့ အသင်း အဖြစ် ရွေးချယ်ထားတယ်လို့ သိရပါတယ်။
ရယ်မောစေနိုင်တဲ့ ဓာတ်ငွေ့တွေ ရှူရှိုက်မိတယ် ဆိုတဲ့ အငြင်းပွားမှု တစ်ခု ထပ်မံ ဖြစ်ပွားပြီးနောက် တော့တင်ဟမ်ဟော့စပါးက ယွစ်ဗ်စ် ဘစ်ဆူးမားကို အလျင်အမြန် ရောင်းထုတ်ဖို့ ဆုံးဖြတ်ခဲ့ပါတယ်။ ဂါလာတာဆာရေး ကတော့ ဘစ်ဆူးမားကို ခေါ်ယူဖို့ ချိတ်ဆက်မှုတွေ ရှိနေပါတယ်။
လစ်ဗာပူးလ် ကတော့ အေစီမီလန် ဂိုးသမား မိုက်ခ် မိုက်ဂ်နွန်ကို ခေါ်ယူချက်နေပြီး အလီဆွန်ကို လက်လွှတ်သွားဖွယ် ရှိနေပါတယ်။
နီယွမ်အက်ဖ်စီနဲ့ အဲလ်ကတ်ဒ်ဆီယာ၊ အဲလ်ဟီလာနဲ့ အဲလ် အစ်တီဟတ် တို့ကတော့ လစ်ဗာပူးလ် ကနေ ထွက်ခွာလိုနေတဲ့ တိုက်စစ်မှူး မိုဟာမက် ဆာလာကို ခေါ်ယူဖို့ စိတ်ဝင်စားနေကြောင်း ဘင် ဂျက်ကော့ဘ်က ပြောကြားလိုက်ပါတယ်။
မန်ချက်စတာယူနိုက်တက်က အဲလ်ချီက ဩစတြီးယား ဗဟိုနောက်ခံလူ ဒေးဗစ် အက်ဖန်ဂရူဘာကို အပြောင်းအရွှေ့ ပစ်မှတ် စာရင်းထဲမှာ ထည့်သွင်းခဲ့ကြောင်း သိရပါတယ်။ ဒါပေမယ်လည်း ယူနိုက်တက်ရဲ့ ဦးစားပေးမှာ ကွင်းလယ် ကစားသမားသစ် တစ်ဦး ခေါ်ယူဖို့ ဖြစ်ကြောင်း သိရပါတယ်။
ယူနိုက်တက်ဟာ အဒမ် ဝှာတန်ကို ဇန်နဝါရီလ အပြောင်းအရွှေ့ကာလ အတွက် သူတို့ရဲ့ ဦးစားပေး ကွင်းလယ် ပစ်မှတ် အဖြစ် သတ်မှတ်ခဲ့ပါတယ်။ ပရီးမီးယားလိဂ် ထိပ်သီး တို့ဟာ ခရစ္စတယ်ပဲလေ့စ် ကစားသမား အတွက် ယူရို ၁၀၀ သန်း (ပေါင် ၈၇.၄ သန်း၊ ဒေါ်လာ ၁၁၆.၃ သန်း) နဲ့ ကမ်းလှမ်းဖို့ အဆင်သင့် ဖြစ်နေကြောင်း သိရပါတယ်။
ချဲလ်ဆီး ကတော့ ယူ ၁၇ ကမ္ဘာ့ဖလား ကြယ်ပွင့် မူဟာမက်ဒ် ဇွန်ဂိုကို တခြားသော ပြိုင်ဘက်တွေနဲ့ အပြိုင် ခေါ်ယူဖို့ ကြိုးပမ်းနေပါတယ်။ အသက် ၁၆ နှစ်အရွယ် ကွင်းလယ် ကစားသမားဟာ ချဲလ်ဆီးရဲ့ ညီအစ်မ ကလပ် စထရာဘိုးကို ပြောင်းရွှေ့ဖွယ် ရှိနေကြောင်း ဖာဘရီဇီယို ရိုမာနိုက ဖော်ပြပါတယ်။
လိုက်ပ်ဇစ်က ကြယ်ပွင့် ယန် ဒီယိုမန်ဒီ ကိုတော့ ပရီးမီးယားလိဂ် ထိပ်တန်း ကလပ်များစွာက ခေါ်ယူချင်နေပေမယ့် မန်ချက်စတာစီးတီး ကတော့ အိုင်ဗရီကို့စ် တိုက်စစ်မှူးကို “ အထူး” အာရုံစိုက်နေကြောင်း သိရပါတယ်။
ထရက်ဇွန်စပေါရဲ့ အိုင်ဗရီကို့စ် ကွင်းလယ်လူ ခရစ္စ အီနာအို အူလာကို ခေါ်ယူဖို့ အပြိုင်အဆိုင် ကြိုးပမ်းနေတဲ့ ကလပ်တွေထဲမှာ မန်ချက်စတာစီးတီးက အားသာချက် ရှိနေပါတယ်။ အသက် ၁၉ နှစ် အရွယ် ပါရမီရှင် ကစားသမား ကတော့ သူတို့ရဲ့ ဂန္တဝင် ယာယာ တိုရေးနဲ့ နှိုင်းယှဉ်ခံထားရပါတယ်။
နယူးကာဆယ် ကတော့ ပရီးမီးယားလိဂ် ပြိုင်ဘက် ဝက်စ်ဟမ်းရဲ့ အသင်းခေါင်းဆောင် ဂျရော့ဒ် ဘိုဝင် အတွက် စုံစမ်းမေးမြန်းမှုတွေ ပြုလုပ်ထားကြောင်း သိရပါတယ်။
ခရီမိုနိစ်မှာ ပြောင်းရွှေ့ ကစားနေတဲ့ ဂျေမီ ဗာဒီ တစ်ယောက် စီးရီးအေရဲ့ နိုဝင်ဘာလ တစ်လတာ အကောင်းဆုံး ကစားသမားဆုကို ဆွတ်ခူးနိုင်ခဲ့ပါတယ်။ ဗာဒီဟာ ၂၀၁၉ နောက်ပိုင်း ပထမဆုံးအကြိမ် အဆိုပါ ဆုကို ရတဲ့ အင်္ဂလန် ကစားသမား အဖြစ် စံချိန်တင်နိုင်ခဲ့တာ ဖြစ်ပါတယ်။
ဘေယန်မြူးနစ် တိုက်စစ်မှူး ဟယ်ရီကိန်း တစ်ယောက် လာမယ့် နွေရာသီမှာ အသင်းသစ် တစ်သင်းထံ ထပ်မံပြောင်းရွှေ့ကစားဖို့ စဉ်းစားနေကြောင်း သိရပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
