ပရီးမီးယားလိဂ် ကလပ် မန်ချက်စတာစီးတီး ကတော့ လာမယ့် နွေရာသီ အပြောင်းအရွှေ့မှာ အသင်းရဲ့ ခံစစ် ဘယ်/ညာ အစွန်တွေ အတွက် ကစားသမားသစ်တွေ ခေါ်ယူ အားဖြည့်မှုတွေ လုပ်ဆောင်သွားဖို့ ရှိနေတယ်လို့ သိရပါတယ်။ ဒါကြောင့် မန်စီးတီးက ဂျုဗင်တပ်စ် ဘယ်နောက်ခံလူ အန်ဒရီယာ ကမ်ဘီယာဆိုနဲ့ နယူးကာဆယ် ညာနောက်ခံလူ လစ်ဗရာမန်တိုတို့ နှစ်ဦးကို ပစ်မှတ်ထားလျက် ရှိကြောင်း သတင်းတွေ ထွက်ပေါ်နေပါတယ်။
မန်ချက်စတာစီးတီး ကတော့ လာမယ့် နွေရာသီမှာ အသင်း ကနေ ကစားသမား အများအပြားကို ရောင်းချသွားဖို့ ရှိနေတယ်လို့လည်း သိရပါတယ်။ ဒါ့အပြင် မန်စီးတီးက ကစားသမားသစ်တွေ ပြန်လည် ဝယ်ယူသွားဖို့လည်း ရှိနေတာ ဖြစ်ပါတယ်။ ပရီးမီးယားလိဂ် ကလပ် မန်ချက်စတာစီးတီးဟာ ပြီးခဲ့တဲ့ ဆောင်းရာသီ ဈေးကွက်မှာတုန်း ကလည်း ပေါင်သန်း ၁၇၀ လောက် အသုံးပြုပြီး ကစားသမားသစ် ၄ ဦး အထိ ခေါ်ယူ အားဖြည့်ခဲ့ပါသေးတယ်။
ပပ် ဂွါဒီယိုလာရဲ့ အသင်းက ဆောင်းရာသီ အပြောင်းအရွှေ့ ဈေးကွက်မှာ ခံစစ်ကစားသမားတွေ ဖြစ်တဲ့ အက်ဘ်ဒူကိုဒီရာ ကူဆာနော့ဗ်နဲ့ ဗစ်တာ ရိစ် တို့ ၂ ဦးကို ခေါ်ယူခဲ့ပါတယ်။ ဒါ့အပြင် မန်စီးတီးဟာ ဂျုဗင်တပ်စ်ရဲ့ အီတလီ ဘယ် နောက်ခံလူ ကမ်ဘီယာဆို ကိုပါ ထပ်မံ ခေါ်ယူဖို့ သတင်းတွေ ထွက်ပေါ်ခဲ့ပါသေးပေမယ့်လည်း အဆင်မပြေခဲ့ပါဘူး။ ဒါပေမယ့် ပရီးမီးယားလိဂ် ကလပ်က ကမ်ဘီယာဆိုကို ခေါ်ယူဖို့ လက်ရှိ အချိန်ထိ လက်မလျှော့ချင်သေးပဲ လာမယ့် နွေရာသီမှာ ကမ်းလှမ်းမှုတွေ ပြုလုပ်သွားဖို့ စီစဉ်နေတာလည်း ဖြစ်ပါတယ်။
လက်ရှိမှာ အသက် ၂၅ နှစ် အရွယ် ကမ်ဘီယာဆိုဟာ ဘယ်နောက်ခံလူ နေရာမှာ သာမက ဘယ်/ ညာ ခံစစ် နှစ်ဖက်စလုံးမှာ ကစားနိုင်သူ ဖြစ်ပြီးတော့ တန်ကြေး မြင့်မားသူလည်း ဖြစ်ပါတယ်။ ကမ်ဘီယာဆိုဟာ ဂျူဗင်တပ်စ်မှာ နှစ်ရာသီ အတွင်း ပွဲပေါင်း ၇၁ ပွဲ ကစားပြီး ၅ ဂိုး သွင်းကာ ဖန်တီးမှု ၇ ကြိမ် ပြုလုပ်ထားပါတယ်။ ဒါ့အပြင် ကမ်ဘီယာဆိုက ဂျူဗင်တပ်စ်နဲ့ ၂၀၂၉ ခုနှစ် အထိ ကာလရှည် စာချုပ်သက်တမ်း ကျန်ရှိနေပြီး သူ့ကို ခေါ်ယူချင်တဲ့ အသင်းတွေ အနေနဲ့ ပြောင်းရွှေ့ကြေး အနည်းဆုံး ယူရို ၆၅ သန်း ကနေ ယူရို သန်း ၇၀လောက် အသုံးပြုရဖွယ် ရှိနေပါတယ်။ ဒါကြောင့်လည်း မန်စီးတီးက ကမ်ဘီယာဆိုကို ခေါ်ယူဖို့ အဆင်မပြေခဲ့ရင် နောက်ထပ် ခံစစ်အစွန်လူ တစ်ဦး ဖြစ်တဲ့ တီနို လစ်ဗရာမန် ကိုပါ ချိန်ရွယ်ထားတာ ဖြစ်တယ်။ အသက် ၂၂ နှစ် အရွယ် ရှိပြီ ဖြစ်တဲ့ ချဲလ်ဆီး အကယ်ဒမီထွက် ညာ နောက်ခံလူ လစ်ဗရာမန်တို ကတော့ ဘယ်ခြမ်း ခံစစ်မှာ ကစားနေပြီးတော့ လက်ရှိမှာ နယူးကာဆယ်ရဲ့ အဓိက ကစားသမားလည်း ဖြစ်နေသူပါ။ မန်စီးတီး ကတော့ ကမ်ဘီယာဆိုကို ပိုပြီး ဦးစားပေး ကြိုးပမ်းဖွယ် ရှိနေပြီး ကမ်ဘီယာဆိုကို မခေါ်ယူနိုင်မှသာ လစ်ဗရာမန်တိုကို ကမ်းလှမ်းဖွယ် ရှိနေပါတယ်။
●●●
နောက်ထပ်သတင်းများအတွက် ကျွနိုပ်တို့ ဘလော့အား ဝင်ကြည့်ပါ ဘောလုံး STORIES & ODDS
အားကစားနှင့် လောင်းကစား နောက်ဆုံးသတင်းများအား အမြဲသိရှိနေမည်
ဆိုရှယ်မီဒီယာတွင် ကျွနိုပ်တို့အား followမည် ဖေစ့်ဘုတ် , တွစ်တာ , အင်စတာဂရမ် and ယူကျု့ဘ်.
